الفئات السنية يابلوي

بسم الله الرحمن الرحيم


اتمنى من البلوي تعيين مركز فني كامل يهتم باللاعبين الصغار
لان الحين الي في الفئات السنية كلهم يملكون الموهبة
لكن لايوضفون بشكل سليم .. ولايهتمون باكلهم ونومهم
ووو

الصراحة وضعهم مزري .. يصعدون لاعبين يا ماعنده كنترول يا يقعد يجري وبس اعزكم الله زي البهايم .. ولا فكر كروي ولا شي والتمرير غلط ويلعب وهو ماعنده ابجديات الكرة ..
الي يميز الاوروبيين في الفئات السنية للنادي مثلا فئة الشباب او البراعم تكون عبارة عن تكوين اللاعب .. يعني لو حددنا طاقات اللاعبين م 1 الى 100 عليهم تطوير ابجديات الكره على الاقل لـ 60 ( ابجديات الكرة من تمريرات ورأسيات ودفاع وقطع الكرة والتمركز والعارضيات والمهارة والتحكم بالكرة ووو) .. ولما يصعدونه للاولومبي هنا تبدأ مهمة اللاعب بالاعتماد على نفسه .. يختار المركز الذي يجيده ويحبه .. ثم يبدأ يطور ابجديات الكرة على حسب مركزه .. اي اذا كان جناح لازم يطور السرعة والتمرير والعارضيات والتمريرات الطويله والون تو او التمريرات القصيرة والمهارة والتحكم بالكرة والتصويب .. واذا كان قلب دفاع يجب ان يطور قوته البدنية وسرعته وقطع الكرة والتمركز والانزلاق وهكذا .. ويبدأ يتعود على التكتيكات البدائية مثل الضغط على حامل الكرة ومصيدة التسلل والحفرة ( the hole ) ويتعلم كيفية تنفيذها ويجلس حول الـ 3 سنوات في الاولومبي .. ولما يطلع للفريق الاول يقاتل ليحصل على مكان ويزيح احد لاعبي الخبرة وف الفريق الاول لا يبدأ بالتعلم كاللاعبين المحليين .. بل يكتسب الخبرة فقط لاغير ويكون جاهز 100% لتنفيذ خطط المدربب والسير على منهج الفريق وتعلم التكتيكات الاحترافيه للفريق بسهوله لانها جميعها تعتمد على معرفتك بالتكتيكات البدائية وابجديات الكرة .. وينسجم وبعدها تشوفونه في اكبر الاندية في العالم

اما عندنا الله بالخير .. يجي يعرف يدقدق بالكورة وسريع خلاص يلا صعدو للفريق الاول وهو مايعرف 70% من ابجديات الكرة والتكتيكات البدائية .. ويخش الفريق الاول ويقعد فيه لين يعتزل ولا ينسقونه 17 مره ويعتزل في الخليج والنهضة والطائي ولااا فوق ذا ياخذ ملااييييين

انا فقط ابغى البلوي يسبق الجميع بخطوه ويوقع توأمه مع تشيلسي مثلا او برشلونه كما فعل اخوه سابقاً .. وفالنسيا ايضا يمتلكون اكاديمية من افضل الاكاديميات .. شوفوا تشيلسي يمتلك 4 تشكيلات من لاعبين صغار ماشاء الله وكلهم يحترفون بالاعارة خارج تشيلسي ويبدعون .. منها تكسب ملااييين من الاعارات ومنها تكسب فريق لعشرين سنه قدام وكلهم ممتازين وماينقصهم اي شي .. واللاعبي الي يطيح مستواه يرجعونه للاولومبي عشان يستعيد مستواه .. بالعربي " منا وفينا "

الصراحة اكادمية تشيلسي من افضل الاكاديميات في العالم واكادمية مانشستر يونايتد ايضا ( لكن سوء الفريق الاول هو مايضيع اللاعبين الصغار واكبر دليل بوقبا من لاعب منسق واولومبي الى افضل لاعب شاب في العالم )

اتمنى يوصل الكلام للادارة
ويصير توأمه مع احد الاندية العالمية التي تملك اكاديميات عالمية وممتازة .. فنحن لا نرضى الا بالافضل .. ويصير اعارة لاعبي الشباب لهذه الاكاديميات ويتدربون تحت مشرفين كبار .. وعندكم باجندوح دليل رائع بالرغم من انه كان في فريق درجة ثانية وانجليزي وفريق اكادميته اوروبيه عاديه شوفوا كيف طلع .. مو بعض اللاعبين مثل العمري او منصور او باسم .. ميزتهم الوحيدة تنفيذ التكتيك فقط والباقي يعلم فيه الله



اتمنى يوصل الكلام للاداااارة واي احد يقدر يوصلها لهم لايبخل علينا .. ولاتنسوا التقييم ان كنت استحق ♡