رد على موضوع الاتحاد في جلباب نور

اولاً ادلتك ما هي ادلة .. لانها استنتاجات .. وروح يا بابا اتعلم ايش الفرق بين الدليل والاستنتاج
لو تبغى الكلام بالاستنتاجات .. لوكان الاتحاد في جلباب نور ما كان جلس نور في الاحتياط ابداً .. اوعلى الاقل المبارة الاولى الآسيوية
وبعدين القروني جاء يستنجد به بعد خراب مالطة !! .. انا لو الموضوع في ايدي والله ما ادخل .. اللاعبين بره الفورما .. وماتوا بعد الهدف الثاني .. ليش احط نفسي في موقف بايخ واغامر بتاريخي ؟؟

والمباراة الثانية القروني اللي اجبر انه يحط نور .. واحسن شي عمله .. بس بقية التشكيلة اتغيرت .. لانها ما فرضت نفسها في مباراة الذهاب بكل بساطة

وبصراحة الهرماس المباراة كانت اكبر منهم .. وما يتلاموا .. لانه لسه بدري عليهم .. يعني لازم نصبر عليهم .. ووجود لعبية الخبرة ضروري .. عشان يتعلموا الهرماس منهم ويستفيدوا .. غير انه ما في اي انسجام بين الهرماس والاجانب
واذا بتقول لي انه ليش مستواهم انخفض .. اقول لك بسبب القروني ما اعدهم صح .. لا عبد الفتاح ولا المولد ولا مختار ولا قاسم ولا اي واحد .. كلهم تعبانيين .. اموت واعرف ايش دخل نور بذلك ؟ .. ما ناقص الا يرضعهم ويحميهم !!
ونحن كل ابداعاتنا السنة اللي فاتت كان وراها بونفيم ... مين سبب نزوله ؟ .. حتقول لي نور برضه ! .. هذا شأن القروني والادارة .. كيف يكون في باله آسيا .. ويغير اهم لاعب في تشكيلة الاتحاد وصاحب كل التمريرات الحاسمة السنة اللي فاتت !! ؟؟
ولسه ديكايتي وماركينهو ما انسجموا مع اللاعبين !! .. لسه برضه السبب نور؟ ..

والله كل اللاعبين يستاهلوا الهزيمة الا 4 نور وابوسبعان وماركيينهو والقميزي .. هم اللي لعبوا بكل طاقتهم .. اسامة منطقته مضروبة كلها وهو لسه ما رجع صح


ثانياً : ومن متى اداراة البلوي بالضعف ده وتسمح بالهبل اللي انت ذكرته ؟
انا فاكر زمان لمن كان نور يلعب بالحواري منعوه .. وخيروه يا اما الحارة او الاتحاد .. فاختار الاتحاد
وهرماسنا اغلبيتهم بتوع فحم وثلج .. اذا ادارة البلوي ما اتعاملت معاهم بحزم .. حيودعوا الملاعب اسرع مما تتخيل!!

الادارة ما غلطت لمن تركت الفرصة الكاملة للقروني .. بس غلطت لمن طلعت بونفيم لانها دخلت وهي تبغى آسيا وشالت الدينمو صاحب اهم التمريرات .. واللي كانت شخصية لعبنا السريع كله تعتمد عليه .. وجابت اربع محترفين جدد لسه ما انسجموا مع الفريق .. فصرنا فريق تايه زي ما شفت في مباراة العين .. وهذا لا يعني سوء المحترفين .. لانه سترى ماذا سيفعلون مع مرور الوقت اذا جاء المدرب اللذي يوظفهم ( بس صراحة بونفيم لاعب حرام يروح .. لانه مبدع في ايجاد الحلول من الخلف .. وبرحيله اعتقد خسرنا اهم ورقة رابحة لنا العام الماضي)

ثالثاً خاب ظننا في القروني .. وفعلاً آسيا كانت أكبر منه
لانه اولاً كمدرب فرط في بونفيم وهو عارف قيمته الفنية ( ومش هنا المشكلة) .. المشكلة انه ما اوجد الانسجام للمحترفين الجدد اللذي يجعلهم يقدموا مسستوى يليق بملك آسيا .. لو اعد المحترفين صح وظهر الاتحاد بمستواه حتى لو ما تأهلنا .. ما احد حيجيب سيرة بونفيم ابداً .. وحنرفع القبعة للأجانب وللقروني لانه حيكون وقتها عمل شخصية جديدة للفريق في وقت قصير
ولا ننسى حسنات القروني في تصعيد اللاعبين وجلب القميزي ونور

رابعاً اللاعبين .. **********؟؟
نفسي احط عليهم اكبر علامة استفهام .. بس يشفع لهم حاجتين .. انه صغار وانهم ما انسجموا مع الاجانب

غير نتيجة الذهاب وغياب الحمهور في الاياب عوامل ضرتنا جداً ومعروف مين المتسبب في نتيجة الذهاب بالاجماع القروني

اذا تبغوا حل .. مدرب يوظف الاجانب صح ويستفيد من امكانيات الهرماس ويصقلهم صح بدل القروني .. اما عودة بونفيم ما حتكلم عنها .. لاني اشوفه المفروض ما يطلع ..،فلازم نصبر والله يعين العشاق