اشلون ابعده عنهم ،، يا صاحبات الراي و الخبره فزعتكم

السلام عليكم خواتي

عندي سؤال عافسني

اذا الوحده ريلها طيب و زين
بس مشكلته ناس يخالطهم يصير لهم من بعيد
و هم ساس البلا لانهم يحرضونه على زوجته
و الزوجه مسكينه بالعه منهم الضيم و الظلايم
لان المحرضه وحده طوووط و زوجها خروف عندها
و هالخروف تأثيره عملاق على زوج هالمره الفقيره
و هذيك من نذالتها و غيرتها تبي تخرب على هالمسكينه بأي طريقه
البنت توها عروس ما صار لها اشهر
و هالبومه مع ريلها متدخلين بكل شي
حتى بالفندق اللي حجزوا فيه ليله زواجهم !!
عارفين كللل شي و شارده ووارده
و السبب زوجها المدمغ
مشاكل الدنيا و الدين صارت للعروس المقروده
و السبب ان زوجها مطيح عند هذيلي و يكوكونه عليها
و عقب ما تصك بينهم هوشه يكتشف انه غلطان و يطب على ويهه يعتذر لها و لاهلها

المصيبه ان المحرضين انتقل شرهم لاهل العروس
صاروا يحرضون الزوج يفرق بين زوجته و اهلها
و يمنعها عنهم و يتهرب من استقبالهم في بيته
و يكرههم و يحقد عليهم

البنت صاكه فيها الدنيا و تقول ان زوجها فيه وايد اشياء زينه
و ما تبي تخسره
و هي نبهته اكثر من مره يبتعد عنهم
و اهلها نبهوه
و اهله هو ايضا نبهوه يبتعد عن فلان و زوجته البومه

الحين هي تقول احس انه يروح لهم بالخش و الدس
و لا رد من الطلعه تقول اعرف ويهه لما يكون مكوك و مشحون عليها
و هددته انها تطلب الطلاق منه اذا اكتشفت انه رايح لهم
لان سبق و كانوا سبب تفركش ملجته على بنت قبلها
كان مملج على بنت ثانيه حسب و نسب و اخلاق
و حرضوووه لين فركشوا ملجته و تسببوا ع البنت المسكينه حسبي الله
و هو وعدها ما يقرب لهم عقب ما صكت بينهم هوشه كبييييره
بس هي تقول انها تحس انه رايح لهم من ويهه يبين عليه
و من تصرفاته لما يرجع لها للبيت


الحل يا صاحبات الشور و الراي
لان البنت ما باذنها ماي تقول بتطلق منه اذا خلاني لعبه بيدينهم مابيه