موطن الخير.......ناصر بن دحيلان
[align=center]السلام عليكم
من روائع اخي ناصر بن دحيلان
لكم مع التحيه[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدين والله ديننا دين الاسلام=دين الرسول ودين كل الصحابه
اللي ليامنه غزا ذل الاخصام=ويفرح حسب ما طاه دارٍ وطابه
والعلم والله علمنا شرع واحكام=ماقره الباري حسبنا حسابه
نمشي على سنة نبي خيّر الانام=وسماحة الدين الحنيف نحظابه
ما ندس الدين الحنيفي بالالغام=ولا نقتل اللي جا بعهدٍ ووفابه
مانيتم اخوانن ولا نقتل اعمام=ولا نفجر انفسنا بمنظر كآبه
يا الله حسيبي نحتسب عقب ماقام=الدين كل ينطوي في ثيابه
الدين واضح ما يبي عد وارقام=واللي عصب رأسه يفك العصابه
لا يندفع يطرد ورا اوهام واوهام=العلم ناقص والجهل فج بابه
والدار والله دارنا دار الاقيام=دارٍ تعز الدين واللي رضابه
في دارنا للخير ناسٍ لها اقدام=ترجي ثواب الله وتخشى عقابه
سباقةٍ للخير في كل الاقسام=من ضاق يسألهم ويلقى الاجابه
في دارنا ويل لعباد الاصنام=وفي دارنا للدين عز ومهابه
والخير عم بلادنا من مية عام=بأمرٍ من المعبود منشي السحابه
وعزم الزعيم اللي بعد سابع امام=خلى صقيل السيف يشبع ذيابه
لاجل العقيدة قام وانقذله اقوام=وصاروا عقب ذاك التجافي قرابه
هذاك من ذكره لنا عز ووسام= نفخر بذكره والبقا ينلقا به
يلقا به شيوخٍ صناديد وشهام=انجال ابو تركي مشوا ما مشابه
عساه للفردوس يا خير رحام=يا واحدٍ كل ترجى ثوابه
والشيخ والله شيخنا نسل الاكرام=عز الصديق اللي عدوّه يهابه
سيد الملوك معرب الجد ضرغام=في ديرته دستور حكمه كتابه
يعالج المرضى ويكفل للايتام=ودايم لفعل الخير يتعب كرابه
يكفي ملكنا للحرمين خدام=واللي نصى داره عزيزٍ جنابه
وولي عهده ناصر كل من ضام=يوصي بتقوى الله وكلٍ درا به
والنائب الثاني لهم درع وحزام=خرج له صقورٍ تجيد الاصابه
ونايف وزير الامن يسهر ولا نام=من طيب راسه كل طيّب حكابه
وشعب السعوديه له المجد مادام=اطهر بقاع الارض يحمي ترابه
والفعل والله فعلنا قدم الاروام=في المصحف اللي كل مسلم قرابه
وتبقى بسالتنا على طول الايام=واللي يدين الدين حنا ذهابه
وصلاة ربي عد ما مسلمٍ صام=على محمد جعلها مستجابه [/poem]
[align=center]وسلامتكم
,,,
,,
.
[/align]
