خلاص كفاية بلا طحالب بلا عين خلونا في الدوري ترى وحشنا من سنين

كاس اسيا انتهي بافراحه واحزانه وصار واقعنا خروج مر وانتهي الامر لذلك اتمنى من اعضاء المنتدي ايقاف سيل المواضيع ترى خلاص مايفيد البكاء على اللين المسكوب اللي صار صار وقدر الله وماشاء فعل .

جماهير الاتحاد اكبر من ان يهزها خروج من بطولة ولا احنا اول فريق او اخر فريق يخسر في بطولة ويخرج من دور الثمانية يعني مو معقول الصدمة مازلت مأثره في نفوس الجماهير مع ان اغلب الجماهير كانت تمنى النفس يتغير الحال في مبارة الاياب بس في قرارة نفسها تعرف ان الاتحاد راح يخسر مبارة الاياب للفوارق الفنية وصعوبة اكمال المشوار بعد مبارة الذهاب خصوصا انها فقدت الامل في شخص المدير الفني واتضح للجميع فقره التكتيكي وتواضع امكانياته ,

انسو الاهلي وش سوى والعين فاز علينا خلاص الدنيا مانتهت قدامنا بطولات محلية مهمة بالنسبة لنا اتركو المواضيع الانهزامية او الانتقادية فكرو في الاتي وانسو الي مضى خلونا نركز في نادينا ولا شي سوى نادينا كفاية مواضيع تنكأ جرح قد مضى املنا في قادم الايام ان النمر يعود ينهض من سباته كل واحد من الجمهور الاتحادي يحط يده في يد الثاني وخلونا نقول بسم الله اصحى يانمر احنا معاك بنمشى مشوار الالف ميل كل خطوة تخطيها راح تلقنا وراك نمشي سند لك في اصعب المواقف وفي اقسى الظروف .

ارجوكم كفاية طحالب كفاية عين والله الدوري وحشنا من سنين .