جولتي اليوم في سوق الاعلاف ..
اغنام - ابل - دواجن - طيور
السلام عليكم
اليوم 1/11/1435
شفت نفسي فاضي وقلت اخذ لي فره في سوق الاعلاف ..
مريت بالبدايه مباسط الاعلاف في سوق الابل ..
كان تركيزي علي علف الجوف او الشمال بشكل عام
مالقيت الا حق ساجر والربطه ب 17 .. حموله دينا طبعا او مفرد ..
شد 85-90
بعد ما مريت كم واحد الاسعار بين 16 الي 17 والجوف لقيت عند واحد ب 18
وتحسب ريال علي كل قطعه للتوصيل
رحت للعزيزه ..
مريت حقين الدينات اللي وصط الحراج لقيت برسيم ساجر ب 10.5
يقول برسيم صافي .. عند واحد باكستاني
ومريت تريلا وسالته من وين ,, قالي برسيم الجوف شد85-90
قمت اسولف معه وقلت كم تقريبا البيع وسعر السوق قالي من 13 لين 15 ريال
طبعا ما حصل لي الفرصه اني اجي علي وقت الدلالين لاني وصلت الظهر تقريبا وما حصلت الا عمال
لكن اللي رفع ضغطي ان السوق اجانب كله سودانين وافغان
لكن لاصحاب الخبره ,, وش الفرق بين ساجر والجوف ؟
اخر شي وبختم به ..
اسولف لي مع شايب من الربع عنده مزرعه برسيم يطلع بالشهر 1200 بلكه في بسيطا بالجوف
ويقول انه بيعها علي 7 .. واللي يشري منه افغان وكل شهر يشترون منه يحملون ويرجعون الشهر اللي عقبه
وودي ادخل هالمجال لكن العائق الوحيد النقل .. لان من سكاكا للرياض بدفع نقل اقل شي ريالين للبلكه يعني حدود الفين للرد
الحمد لله اغلب الربع راعين مزارع وكذا يعني لو بكلمهم يمديني اطلع بشي طيب واترزق الله .. بس الخوف ناشب لي ..
بس هالفساد اللي صاير يوم الاجنبي يشتغل ويترزق .. اذا كان علي الراتب فالله يزرقه واذا مع كفيله فالله يرزقهم
واذا كان لحاله فالله يرزقه بعد ويكفينا شره .. لكن ماعليهم رقابه يومهم يشترون بالالوف المؤلفه !!
ما تنطبق عليهم سياسه من اين لك هذا ؟
وشكرا
[,gjd hgd,l td s,r hghught >>
