ألا مبالاه

السلام عليكم ورحمة الله وبركاتة,,,

بعد طول غياب....

جديدي للقلوب الطاهرة

[poem=font="Simplified Arabic,6,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
الصاحب اللي طبعه ألا ...مبـالاه=متخصصٍ بالذات فـي بـط كبـدي
حاولت لكن مـا قـدرت آتناسـاه=والمشكله بيحت لـه كـل سـدي
يا زين خبرني عن امـر المعانـاه=اللي معك صارت هنايه وسعـدي
طبعه زعول ولا قدرت اكسب رضاه=وما يوم فرق بين مزحي وجـدي
عجزت والله مـا قـدرت آتحـداه=وانا اعترف مانـي بقـد التحـدي
كل القلوب المرهفه رهـن يمنـاه=لا صار في يـومٍ عليهـم معـدي
وإذا براسه شي بالغصـب سـواه=لا قال بـدي قـالوا النـاس بـدي
والظلم عنده هو نظـام المسـاواه=وان شد جيت وكل ما جيت شـدي
سبحان من صور جمالـه وحـلاه=ناهيك عن رمـشٍ وجيـدٍ وخـدي
يا ما حلا بين الملا ضحكـة شفـاه=رمانـةٍ مزروعـةٍ بيـن شهـدي
والرمش عنده هو جهاز المنـاداه=عليك وجه الله على الخلق هـدي
من ألف باء الحسن إلى ما بعد هاه=حتى الخطا لا كان منهـا يشـدي
بالمختصر هو للبشر صار مأسـاه=لكنهـا عطـري وزهـري ووردي
واقول في نفسي ليا حـل طريـاه=بين الخلايق والمـلا ميـن قـدي
اشوف موتـي لا نهرنـي بلامـاه=أنا معه لكن مـع الوقـت ضـدي
الله يسخـر لـي فـؤاده وحليـاه=الــود ودي والله الـــود ودي
الله جعل في الكبد بيتـه وسكنـاه=شيٍ من الله غصب ماهـو بيـدي
له في صميم القلب مكتب محامـاه=تعال يا سامـع قصيـدي ولـدي
بفتق ضلوعي واستمع لا نطـق آه=يجيبنـي لقصـا الحـدود ويـودي
والله لا يبلـى عزيـزٍ بـشـرواه=لكنها أغلا الناس والخلـق عنـدي
ولو به عشم ابليس منـي بفرقـاه=بكون تبت ونبت واعلنـت صـدي
ويلاه مـن قلـبٍ يداريـه ويـلاه=وصلت حدي والله وصلـت حـدي
أنزل له الدرب العسر وارجع أرقاه=وراحت حياتي بين جـزره ومـدي
بالرغم من ذلك أنا ما أقدر أجفـاه=حبه كتب من قبل أبويـه وجـدي
بمشي إلى مالا نهايه مـع اخطـاه=والله يعيـن اللـي بدربـه مقـدي
وان مت بسبابه فنا بكتـب وصـاه=تلقونها ما بيـن نعشـي ولحـدي
بكتب عسا ربـي يكفـر خطايـاه=ويبيح منه ويستـر عيـوب ودي [/poem]

رمز الوفاء






صح لساااااااااااااااانك الى رضاااك


مقعد امامي فاخر تحياااااااااااااااااااااا اتي

عبد الرحمن الشهري


صح لسانكـ


تشرفت بالمرور,عبرهذه الباسقه..

3
ولي عوده يابطل
بدر العتيبي

بالرغم من ذلك أنا ما أقدر أجفـاه
حبه كتب من قبل أبويـه وجـدي
بمشي إلى مالا نهايه مـع اخطـاه
والله يعيـن اللـي بدربـه مقـدي
وان مت بسبابه فنا بكتب وصـاه
تلقونها ما بيـن نعشـي ولحـدي
بكتب عسا ربـي يكفـر خطايـاه
ويبيح منه ويستـر عيـوب ودي



صح السانك وقلبك على رووعة طرحك الراقي


دمت ودام نبض قلبك

صح لسانك
تقبل مرورى

عبدالرحمن الشهري
صح لسانك على الشامخه التي بها الكثير من التشبيهات والكنايات والصور البلاغيه
صح لسانك ياذيبان
بدر العتيبي

رمز الوفاء

عبدالرحمن الشهري

صح لسانك يالقرم وبيض الله وجهك

تقبل المرور وننتظر جديدك

أخوكـ