اخطاء من المعسكر سكتنا حباً في الاتحاد .. آسف يا نمر // اللي بيقل ادبه لايدخل

والله :$ واكتب من حرقتي لمهزلة 4 مباريات وليس شماته او اتقصد احد معين لا والله حباً في نمرنا
- الإدارة والله العظيم ما قصرت والكل عارف والتوفيق شيء من الله ، اختارت المدرب وانخمت زي مو اغلبنا انخم فيه انه قوي شخصيه وقصته مع فريدي وحمد ونهاية الموسم تغير في المستوى وبالأرقام كان ناجح و لو غيرته الإدارة اغلب الجمهور راح يلومها ، لاعبين جابت لاعبين سوبر اسعارهم بـ 11 مليون يورو ولا احد يقول مو مهم السعر اهم الفايده والله لو جابت الإدارة لاعبين غير معروفين كان ولعتو نار وراح تقارنونا بالأندية الثانية تعاقدات محلية المدرب رفض وبلسانه في المؤتمر قال الإدارة عرضت علي لاعبين وانا رفضتهم ، معسكر على مراحل وقالوا للمدرب شبيك لبيك اطلب وبلسانه .
- لاعبين وطني ومحترف المدرب قال ابيهم وما الوم أي لاعب اللي ما فيهم لاعب وبسبب المدرب لعب مباراتين كامله ومو مراكزهم بدون خطط او جمل يعني بالعربي كل واحد كان يلعب من راسه وبرضه ما الوم اسامه موسم كامل ما يلعب وعمرة فوق ال 30 فجأة مطلوب منه يجاري فريقه اللي كله سريعين ما الوم احمد عسيري على سرحانه واللي كان واضح من الموسم الماضي واللي مو مصدق يشوف مبارياته ويلعب اساسي والمحترف الأجنبي احتياط ما الوم ماركينهو وفتاح لما يلعبو في 3 خانات وفهد 4 بنفس المباراة وسط ايسر ايمن ومنتصف ما الوم نور لما اقوله انزل والعب في كل الخانات ولا قاسم ودميري مسكين 3 مباريات بـ 3 مراكز والرابعه احتياط وباجندوح اللي بمستواه وستايله الأوربي ومحسدوين عليه مو عارف اذا كان راح يلعب او لا يعني نفسيا زيرو بيكون .
- المدرررب فاشل ضعيف شخصية تفكيره متأخر ( انا آسف اني كنت ادافع عنه آسف يا اتحادنا ) الخصها مدرب يغير في الدقيقه 48 بدون سبب وياليته تغير مراكز شال واحد وحط ثاني بداله وبس في الدقيقه 63 كورة تطلع اوت وفريقه متأخر وتعدي الكورة من قدامه يادوب رفع رجله لها وما لحق دا كله وايديه تحت ابطه قمة البروووووووووود ، الخلاصه وبدون ما نغلط عليه يرجع من مكة بباص نقل جماعي وع المطار يروح لأهله الله يستر عليه .
يا اخوان فيه ناس الله يكفينا ويكفي نمرنا شرهم جالسين ع التكه للإدارة وكانوا مختفين وقبل ماينتهي الشوط الأول علقوا المشانق بعناوينهم غير داخل الموضوع اللي مدري وشهو مكتوب فيه ( زي العضوه حنان ) .