روايتي الاولى / هيجت ذكراك حبي
السلام عليكم و رحمة الله وبركاته
راح اكتب اول رواية لي بالمنتدى و اتمنى الدعم و التشجيع ❤️
>> وما احلل الي ينشر او يبوق افكار الرواية 🙅
الكاتبة ؛ ريم ، كوثر ( انا ) 😁
والحين ابدي اعرفكم بالشخصيات
ام سعود : حنونة وطييبة و تخاف على عيالهاحيييل و تحب حور و ما تفرق بينها و بين عيالها
ابو سعود : مربي عياله احسن تربيه ومو مقصر معاهم بشي
سعود : البجر عمره 23 معضل و طويل خفيف دم على ابوه
فواغي ( اسم متداول بالامارات سموها بـ هالاسم لانها انولدت يوم كانوا مسافرين الامارت ) عمرها 21 وايد تهتم بنفسها و عاقلة بس مرات تفصل
اروى عمرها 20 موبي بيست فواغي بالتصرفات والطبايع
حور : عمرها 18 سنه رشيقة وغاية بالجمال شعرها بني فاتح طويل .. بيضة ... عندها غمازات ... طيبة و قلبهاابيض وجريئة شوي .. تهتم بالرياضة بالاضافة الى سوالفالمكياج واغلب اهتمامات البنات
ريان : عمرها 18 سنه برونزية شعرها عسلي طويل .. مزعجة بس خجولة اهيا وحور يمتلكون نفس الاهتمامات وحور تعتبر اختها بالرضاعة
:: قبل كل شي ::
حور تعيش بيت امها وابوها بالرضاعة من بعد وفاة امها الصجية لمن كان عمرها 14 ، لان ابوها سكير وما يتحكم بتصرفاته فخافوا عليها منه
ريان تقعد حور
ريان: حوور .. حووور.. حووروووو
حور: همممم
ريان: حووروو ويهد يلا قوومي
حور: (لا حياة لمن تنادي)
ريان تهزها: حوووور كل هذا نوووم ما غلطنا يوم قلنا عنج خيشة نوووم
حور اللي امس كانت سهرانه على فلم ومستحيل تقوم هالوقت : (لا رد)
ريان: هييين انا اعلمج
راحت المطبخ ويابت دولكة ماي بااااارد و كتته عليييها كلله على دخلة ام سعوود اللي شهت😱
شهقت حووور 😳 : رياااانوووووو يا حماره
ريان😂: احححسن عشان مره ثانيه لم اقعدج بسرعه تقومين
حور 😡: هيين والله لا اردلج اياها
ريان😝: نشووف
ام سعود😰: وي وي قووومي بدلي قبل لا تستبرديين الجو باارد.. (وتكلم ريان) هذي سواة تسوينها باختج شغلج بعدين
وقامت حور وبدلت ملابسها ونزلت تحت وكانوا قاعدين عالسفره يتريقون
حور: صباح الخير (وباست راس امها وابوها ((بالرضاعه)) )
الكل: صباح النور
سعود يتحرش فيها 😏: شهالنووووم انتي ما تشبعييين
حور 😑: وااي شحارك انت واختك حاطين دووبكم بدووبي
فواغي: يعني ما تعرفيينهم هذيلا مستحيييل يرتاحون اذا ما تحرشوا بأحد
سعود😒: شوفوا منو يتحجا.. الداهيه ام المقالب
فواغي 😇: حرام عليك ظلمتني
أروى تكلم ابوها اللي يسمع مناجر عياله ويضحك عليهم يستانس لم يسمع حسهم حوله: يبا منتوا ناوين تودووننا المزرعه؟! الجو هالايام شحلاااته يهببل بس بليل يصير صقييع
ابو سعود: اي والله زين ذكرتيني..
