عملية خشمي بالصور

سلام عليكم

انا اماراتيه سويت العملية في مستشفى الامارات الفرنسي ف الامارات
انا متابعة قديمة للمنتدى قسم العمليات لكن عضوة جديده


قصتي بدت في اني انا كنت اتعرض لمواقف محرجة جدا مع خشمي كانت تضايقني وكنت اصيح
يت فتره اعتزلت العالم بسبة خشمي وكله حابسه عمري واصيح

ما قد خطف علي حد ما تمصخر على خشمي اللي يقول نقار الخشب واللي يقول حلوة بس خشمج كبير واللي يقول خشمج عود لو تسوين تجميل احسن

طبعا اهلي كانو رافضين فكرة العملية نهائيا ونحن من عائلة متحفظة جدا جدا
وامي كانت موافقه بس متردده

كل اللي يتقدمولي كنت ارفض وارررفض وتستوي مشكلة ومحد يعرف السبب وانا كنت ارفض
عشان ان خشمي مب حلوو ومتعقده نفسيا واحس اللي يشوفني ما يشوف فيني الا خشمي

وكنت ارفض حد يصورني لان فالصور بس خشمي اللي يطلع كبير وايد

انا حلوة ملامحي ناعمة وايد الحمدالله بس العوق فالخشم
يوم انخطبت خطيبي قالي انتي حلوة بس خشمج متين .. هني كانت الصاعقة ورديت لحالتي النفسيه القديمة اول شي سويته رحت المستشفى بدون شور اي حد سويت موعد عند الدكتور قتله شله هالخشم ما ابيييييييه
سوالي فحوصات وكل شي وعطاني موعد بعد اسبوع للعملية وما خبرت احد ابد
يوم العملية بعده ما خلصت وفجيت عيوني من البنج دقيت في امي وخبرتها اني سويت العملية واللي بيزورني حياه الله
مشت الامور واهلي تقبلو الامر الحمدالله


سوري طولت
بس بامانه اللي تشوف خشمي تقول رايها بصراحه وانا احب الانتقاد اللي تشوفه مب حلو تقول مب حلو واللي تشوفه حلو تقول حلوو انا ما ازعل وابا الصددددق


قبل العملية
[IMG]http://im49.********************************************/pLt72n.jpg[/IMG]


[IMG]http://im88.********************************************/vsKvuf.jpg[/IMG]





بعد العملية
على طرف
[IMG]http://im88.********************************************/xpcWmm.jpg[/IMG]

من جدام
[IMG]http://im88.********************************************/9JI4rn.jpg[/IMG]



ما كملت وايد ع العملية تقريبا 5 شهور

مبين الفرق بين قبل والحين صح ؟؟؟
فرق كبييييير
http://intext.nav-links.com/images/spinner-ani48.gifhttp://intext.nav-links.com/images/spinner-ani48.gif