نقاط مهمه للكل !! .. & لازم صوتنا يوصل !!

بسم الله الرحمن الرحيم
اول شىء نقول ( قدر الله م شاء فعل )
نقول نقطة امس يمكن خيره لنا في المستقبل ..
ولازم نتفائل .. كلنا زعلانين لكن والله الزعل م يودي ولا يجيب..
المطلوب منا الدعم حتى لو في اصعب الظروف ..
حلب اقول وجهة نظري يمكن يختلف البعض ويمكن يتفق معاي ..

اول شىء التشكيلة الي بدا فيها مدربنا امس ..
المعيوف
منصور - معتز - اسامه - المولد
تيسير - باخشوين
العمري - المقهوي - بصاص
السومه

التشكيلة قبل المباراه كان في شوية زعل عليها قبل مباراه هجر وقبل مباراة امس .. لكن بالنسبه لي اشوفها هاذي التشكيلة الأنسب على حسب الخيرات الموجودة ..
يعني تقدر تقول بدال ( باخشوين ) نحط ( بالو )
وبدل بصاص نحط ( الكبير ) ..

ثاني شىء حاب اتكلم عنه ( المعيوف - السوادي ) ( اسحاق!!!؟؟؟؟)

المعيوف أخطاءه اكثر من حسناته ..
لكن م باليد حيله .. احسن من المسيلم بفارق بسيط ..
لكن نسال الله ان يكون في يومه في مباراه الهلال ..
ولا يكون في تخبطاته..
وأملنا في الله وان المدرب يجرب الرحيلي شوي ..
يمكن يكون هو ضالتنا في الحراسه الي نعاني منها من سنين ..
السوادي .. هذا اللاعب ابن النادي ، ولاعب اجتماعي اكثر من انه لاعب ذو فائده .. يعني احتكاكه مع الاعبين والإداريين والجهاز الفني جيد وعلاقته مع الكل اكثر من جيده .. أتوقع والله اعلم انه هذا السبب وعنده واسطه قويه في النادي صعب خروجه .. هو م بيفيدك في الملعب صح .. لكن م باليد حيله ، مدام انه لاعبنا لازم ندعمه حتى لو ايش !!! يعني مكتوب لنا انه يكون لاعب اهلاوي .. لازم نوقف معاه ..

بالنسبه ل إسحاق انا أشوفه لاعب لا يودي ولا يجب ..
إسحاق هذا تكلمه لسلسلة الفشل الذريع للمحترفين الأفارقة في النادي الاهلي .. لاعب تحركاته بطيئة ، ( فيس تو فيس ) م يقدر بعدي من الاعب !! ، يلعب ع الواقف .. حسنته الوحيدة الرأسيات ..
الانتقالات م قفلت!! ولازم نتدارك الوضع .. اما استبداله ، او اعادة ايرك او برونو .. لازم صوتنا يوصل بالنسبه ل ( المعيوف - السوادي - إسحاق ) !!!!

مصطفى الكبير حاس انه في شىء يبغى يقدمه .. عنده التحركات والروح الي نقدر نصبر عليه شوي .. م احكم عليه وتوه راجع من أصابه !!! .. ولا من اول مباراتين !!
بتقولي طيب إسحاق حكمت عليه!!! بقولك إسحاق واضح وضوح الشمس ان مافي شىء يقدمه وملعبه جناح مدربنا جناح على ثقله وفهاوته ..

بالومينو مع مدربنا الف علامه استفهام ؟؟؟؟؟؟؟؟؟؟؟

نسال الله التوفيق .. ي رب وفقنا ي رب ي كريم
ي رب نجيب الدوري هاذي السنه ي سميع ي عليم ..
انا بتفائل لان م عندي الا ذا الشىء اسويه ..
الحمدلله على كل حال ..

اتمنا كل واحد يقول رأيه بكل أدب واحترام ..
الموضوع للنقاش ..