شعر عد الليالي

سلوتي في غيبتك عد الليالي
غبت عني والوله ما غاب عنّي
لا تحسب أنك فقط فالقلب غالي
أنت نفسك قلبي اللي ضاع منّي
هاجرٍ عيني.. وتسكن في خيالي
كل ليل ألقاك مع درب التمنّي
ادفع الاهات باحساس التعالي
والوعد لا قامت الورقا تغنّي
خذ شعوري مُلكْ.. واشعاري موالي
العقود مرصعه.. والنثر فنّي
أنت يا دنياي تمطر بالجمالي
جيت تمشي بالبرد واحرقت بنّي
هرجتك ثلثين ملح.. وثلث حالي
تنتهي فيها الحقيقه بالتجنّي
اما انا حظي من العشق المثالي
سلهمت رمشٍ حنون.. وضحك سنّي
يا بعد كل العباد اشغلت بالي
حيرتي تزداد.. والخفاق حنّي
ايه أبيك وخايفٍ عند التوالي
ماتج الدنيا على ظنك وظنّي