شلون تطلبين جواتي امينة عبدالجليل

وايد اشوف بنات هابين بهالجواتي اللي فيهم فيونكة عودة. طلعوا مالوت مصممة امريكية اسمها امينة عبدالجليل بس شلون بناتنا طاحوا عليها الله العالم. المهم، وحدة من رفيجاتي كانت تبي الجوتي فطلبتلها ياه و طلع عليها وااايد ارخص من ان تشتريه من هني، فحبيت اسويلكم بوست شلون تطلبون الجوتي خطوة بخطوة

اول شي السايت اهو

http://aminahabduljillil.com/

عندها الكعب اللي هبو فيه و عندها فلات منه. هذي الالوان المتوفرة من الكعب
http://trendsq8.net/wp-content/uploa...aminah-all.png

طبعا تدشين السايت و تختارين الجوتي اللي تبينه. اغلب الالوان و السايزات تخلص بسرعة. شوفي الوصف اللي تحت يقولج اذا الجوتي اللي تبينه متوفر و لا راح يطول عشان تحسبين حسابج اذا تبينه حق مناسبة

http://trendsq8.net/wp-content/uploa...08/aminah1.png

اختاري اللون و السايز و اختاري

add to cart > checkout

عبي المعلومات اللي طالبينها

http://trendsq8.net/wp-content/uploa...08/aminah2.png

http://trendsq8.net/wp-content/uploa...8/aminah31.png

لما تخلصين ضغطي

review order

تاكدي من المعلومات اللي حطيتيها: الاسم العنوان رقم التلفون

ضغطي

submit order

راح يوصلج ايميل يأكدولج الطلب. هذا مو معناته الطلب انشحن، لما يشحنونه راح يطرشون ايميل ثاني ان انشحن. اذا طلبتي اكثر من قطعة ممكن يشحنونهم منفصلين حسب اي واحد يتوفر اسرع. لما يوصلون الجوتي راح ياخذون تقريبا دينارين او ثلاثة. صج الشحن غالي شوي بس حتى مع الشحن، وايد اوفر ان تطلبينه من ان تشترينه من هني بالذات اذا شريتي اكثر من قطعة

هابي شوبنج!

اذا عندكم اي استفسارات ثانية انا حاضرة