غاريث بيل والجمهور العاقل ،،،،

بسم الله الرحمن الرحيم
يا اهل الانتقاد ترا والله فاهمين غلط مو كذا اللي ينتقد مو كل واحد يجي ويسب لاعب يقول حريه وهذا نادي الشعب ومدري ايش ترا اللعيبه بشر مو مكاين او الاات يعني خفو عليهم المباراة الجايه باقي كم يوم عليها خلاص بدل ما نتفق على التيفو او الاهازيج او كيف ندعم اللعيبه بالملعب بعد ظهور الاستناف ان شاء الله كل واحد جاي يقولك ابو كاب ضيعنا اوس مكانه بدوري ركاء فلاته ممثل وفتاح شايف نفسه بالله هذا كلام هذا دعم والله ان البعض فاهم غلط ولا كله كووم واللي يقولك المحترفين مو من مستوى العميد
الله الله على النظرة الخارقه والفنيه اللي تقدر تحكم على لاعب من ثلاث مباريات واللعيبه اول مرة تلعب بالخليج واجواء رطوبة واول مرة يلعبو مع بعض ياعمي اغلى لاعب بالعالم غاريث بيل ماظهر مستواه الا باخر الموسم وجاب بطولة لمدريد ومحد قال مو مستوا مدريد والكلام ذا
ادري ان الفرق شاسع بين بيل والمحترفين لكن اللي ابي اوصله ان المحترفين يبيلهم صبر حتى لو نص الموسم ترا الفريق كله بيتحسن وبيظهرون كلهم باداء مميز واذكركم ولنا عبرة بنيفيز وتشيكو وكيتا وووو... الخ اصبروا واصبروا حيل بعد على المحترفين. والله انه كلهم باقي عندهم شي وماقدموا 20 بالميه من مستواهم
انا اقصد بكلامي الفئة اللي تستعجل بالحكم على اللاعبين وتقعد تسب خلاص كلنا يد وحدة وكلنا عشاق للمونديالي خلونا نوقف مع اللعيبه ترا لسه الموسم باوله والفريق لعب ثلاث مباريات خسر بوحده يعني ماخربت الدنيا

راي شخصي ،،،،،،،،،،
ماركينو سيكون من افضل المحترفين بالدوري ان شاء الله

اللهم وفق العميد فوق كل ارض