"اسكتوا لا تنتقدون لمصلحة الفريق"

السلام عليكم ورحمة الله وبركاته

اتمن يا موندياليين تكونوا في تمام الصحة والعافية

واي عافية راح تجينا وهذا مدرّبنا القروني حوّل الحلم الى شبه معجزة

على العموم هاردلكم على الخسارة ، كان لازم نتلقى خسارة مثل هذي عشان نصحّي بعض النايمين اللي غرّهم فوز الاتحاد بالمباراتين ضد الفتح والفيصلي

الاتحاد من ايام المعسكر وهو الله بالخير فريق لا تكتيك والخطة هي نفسها من الموسم اللي فات ما تغيرت

والله لو عسكر الفريق في جدة طول فترة اعداد الموسم وعيدوا اللاعبين مع اهاليهم اصرف

قلنا يا عالم الاتحاد يلعب ضد فرق ضعيفة في هولندا درجة ثانية وراح نلعب ضد فرق قوية مثل العين

قالوا ياخي اسكت مو مهم قوة الفريق المنافس الاهم الانسجام

نادينا من المباراة الاولى الاتحاد يفوز بدون طعم ولا لون ولا رائحة والمشكلة موجودة من الموسم اللي فات وكلها مجهودات فردية من اللاعبين

ورددوا كذبتهم الشهيرة بفلسفة زايدة " اسكت انت ما تفهم كورة ايش فهّمك اهم شي الفوز ((( بأقل مجهود ))) "

والحقيقة ان الفريق يبذل كامل جهده انه يفوز ضد الفيصلي والفتح وفاز بالموت !

قلنا ان الفريق يلعب بدون تكتيك سوى اللعب بالأرض اما التكتيك فهو عبارة عن لعب حواري

قالوا اسكت لا تنتقد الفريق اهم شي الفوز ياخي ليش كذا انتوا حتى وقت الفوز تنتقدون !!!!!

قلنا شوفوا فريق الهلال والنصر والشباب كيف يلعبون كيف فريقهم يقدم مستوى جبّار حتى لو بدون نتيجة والاتحاد من الموسم اللي فات يعتمد على تمثيل مختار اللي سجل رقم قياسي في ضربات الجزاء

قالوا انت مندس ليش تمدح الهلال والنصر وتترك الاتحاد !

قلنا الاستقطابات الأجنبية جيدة ..

وقالوا لنا ايش فيك انت ؟ ماركينهو جاي من روما !! وسامبا جاي من الدوري الانقليزي وياكونان جاي من الدوري الالماني

وفي الحقيقة لاعبين كلهم احتياط ومتنقلين من فريق الى اخر عدا ياكونان اللي شارك 10 دقايق وكان لاعب احتياطي

وردّينا " مو مشكلة يلا نبلعها لأننا نادي في دوري سعودي وما يقارن بالدوريات القوية "

وفي الحقيقة ان لاعبيننا الأجانب "ولا شي " مقارنة بلاعبين الهلال والنصر ((( احصائياً ))) وفنياً مع فرقهم السابقة ومع فرقهم الحالية !

الحمدلله لعبنا مع فريق العين اللي اظهر مستوانا الحقيقي ومدى تخبّط القروني واللي صحصح بعض " اسكت لا تنتقد اهم شي الفوز " والجمهور اللي يشكّل 70% من هذا التفكير اللي فوق كملو في سباتكم وتكميمكم افواه العقلاء اللي ينتقدون لمصلحة الاتحاد

المنتدى أصبح يعج بالمجاملين ولا ادري لمصلحة من ؟ والحقيقة ان الاتحاد الى وقتنا هذا يعتبر من الفرق المتوسطة رغم الاستقطابات لعدم وجود مدرب كفو

ولا تجي تقول الفريق فيه امل يفوز وتجلس تذكر لنا الاطلال ، الفرق ان اول كانوا عندنا لاعبين والان عندنا اشباح لاعبين.

مختار فلاتة ينام ويصحى على بلنتي ، مباراة يبدع وعشرة ينام .. فهد المولد يركض زي الأهبل ويقالك انا قاريث بيل .. وهو يركض لا فكر ولا هم يحزنون ، والمشكلة انهم حاجزين وضامنين اماكنهم في التشكيلة الاساسية

عبدالرحمن الغامدي .. من الموسم اللي فات اول ما يدخل يقدّم مستويات جبّارة مع انه قتلوه وراح يقتلون موهبته بوضعه في الاحتياط حالياً او وضعه صانع لعب سابقاً ..

محمد ابو سبعان .. يسجل ويصنع في المعسكر وقت ما عندنا صناع لعب في الملعب ومع هذا ما يلعب !

كلمة الحق ان الاتحاد لا زال احد الفرق المتوسطة والحقيقة المرة انه لن ينافس الهلال والنصر والاهلي وهذا مستواه يفوز بالموت على الفيصلي اللي انلغى له هدف التعادل ولا الفتح اللي كان بيجيب التعادل في اخر دقيقة..

موسم راح يكون شاق وطويل وصعب على الاتحاد .. وشكلها ماراح نلعب في اسيا السنتين اللي جايين