الى متى كل من هب و دب يدخل الملعب؟

بدون مقدمات

بالامس لاول مره اشيل معاي اولاد اخواني الملعب و حسيت فيها من جد لانهم جنبي و استحيت منهم من بعض العينات و الاشكال الوصخه اللي تجي مالها في الكورة ابدا و تجي تدور في الملعب و تسوي شوشره و صراخ و كلام سفيه و همز و لمز على بعض الناس .,

الحين في المجمعات يركزون على اللبس في الفتره الاخيره يعني يجيك واحد بثوب نوم ما يدخل و اشكال مقززه يركزون عليها و اذا شافوا منهم تصرفات غير لائقة ينطردون

بصراحه لازم يكون فيه شده اكثر في الملاعب و المفروض الناس اللي تجيك بثوب نوم و لا لبس وصخ و معدوم تصرفاتهم غير لائقه يمنعون من الدخول ..

المفروض الناس اللي مسؤوله عن دخول و ترتيب الاشخاص داخل الملعب و تنظيمهم يكونون افضل من الموجودين الحين ,, لاني الاحظ اغلب العسكر اللي مسؤولين عن هالشغلات و العينات اللي اتكلم عنها هم اخوياهم

فياليلت ينظر لهالموضوع بجديه شوي و عدم التسيب و التهاون ,, لانه يفضل انه الجمهور يكون راقي و عاقل و يتفهم و متعاون لاني بصراحه اشوف الموضوع كل مره يزيد عن حده و هذا بيسبب عزوف الجماهير مع الوقت

و آسف عالاطاله و عدم ترتيب الكلمات بس اتكلم مقهور من اللي اشوفه