امتحان خاص للأمهات اللي عندهم خدامه ؟ تعالي براجع معاج عشان انجح بامتياز

السلام عليكم

الخدم شر لابد منه والحمدلله على النعم اللي احنا فيها

الموضوع ان

خدامتي هنديه مسلمه وبتسافر وماقدمت للحين

كل خداماتي ولله الحمد يقعدون عندي سنتين وثلاث

وماشاءالله الله موفقني فيهم

الا هالخدامه لها سنه وتطلع اجازه

ومن اخر اجازه لها ثاني يوم يتني اتشكى بنتي تعبانه ولازم اروح

اصدمتني

عاد حجزتلها وماتشوف شر

المهم

لفيت اكثر المكاتب اكثر شي فلبينيات مسيحيات

وماعمري جربت الفلبينيه !

محتاره ومتوهقه ولجأت لله ثم لكم تدلوني وتنصحوني

الزبده

هالامتحان باللهجه العاميه الذربه هههههه

و اجوبته بتنفعني وبتنفع الكل ان شاءالله

بسم الله نبدي

الأسئله

هل انتي موظفه او لأ ؟

جم عدد افراد اسرتج؟

جم خدامه عندج ؟

شنو جنسية خدامتج ؟

جم عمرها ؟ متزوجه ؟ عندها عيال ؟

أول مره تشتغل ؟ أو خبره ؟

وجم مدة قعدتها عندج ؟

مميزاتها وعيوبها ؟

معاشها جم ؟ ومتى تعطينها زياده ؟

شنو الاغراض اللي تييبينها لها غير الملابس ؟ مثل الشامبو ووو

هل معاها تلفون او انتي اللي شريتيه لها؟ وهل فيه انترنت ؟

هل تطلع يوم اجازه ؟

هل بالبيت خدامات غيرها ؟ يعني خدامه لخالتج أو لحماج ؟ مثلي

وشلون تتحاشين انها ماتقلد خدم البيت ؟

اذا اول مره . شلون تتعاملين معاها؟ خصوصا اللي ماتعرف عربي

هل تييبين لها كتب الترجمه بلغتها ؟ ومن وين اتييبينهم؟

الحين انيي للصفحه الأخيره

التعبير

اخذي راحتج بالتعبير عن خداماتج بالتفاصيل الممله

....................

....................

وتذكري ان كل كلمه بتكتبينها بتنفع وايد امهات متوهقات مثلي

وشكرا

والله ولي التوفيق