اختكم اليتيمة مالي غيركم

السلام عليكم ورحمة الله وبركاته 🌹🌹🌹 بصراحه انا اعتبركم نفس خواتي لانه منتدى كويتيات يعجبني حييل ماشاء الله كل البنات على قلب واحد الله لايفرقنا وان شاء الله يستمر عطائنا في تعديز هذا المنتدى الجميل الله يديم الالفه والمحبة بيننا يارب 💗💗💗💗. بتكلم عن نفسي قبل ادخل بمشكلتي مع زوجي انا عمري بالثلاثينات وكنت وحيدة امي من الصبيان ماعندي خوات وكانت امي مريضه بس مو اللي عاجزه تقدر تقضي بعض حاجاتها الشخصيه الحمدلله كنت لها كل شي بهالدنيا كنت بارة فيها ربي لك الحمد لدرجة كنت ارفض الزواج علشان مااترك برها بس كانت تبيني اتزوج تقولي دايما انتي ماعندج احد لاخوات ولا خالات ولايتسلطن حريم اخوانج عليج يقلبون اخوانج بساعه قلت يماا الله معاي الله يحفظني الى ان تقدم لي واحد مطلق وعنده ولد طبعا رفضته في البدايه واحلفت امي انها تغضب علي اذا ماواافقت عليه طبعا رضى امي بالدنيا عندي اهم شي ووافقت عليه قبل سنه ونص وتزوجت وعشت بشقه بروحي وجاب وولده اول ثلاث ايام بعرسي قلت مايايخالف ولده والولد كان عايش عند جدته ام زوجي لانه امه قطت بالمهاد وتزوجت وكاسر خاطري حييل طبعا بدأ مسلسل زوجي معاي من ثاني يوم زواحي ماعطاني هدية الزواج احنا نسميها صباحية عرووس قلت مايخالف يمكن ماعنده طبعا ثلاث يوم بعرسي نومني عند اهلي وراح ينام ثلاث ايام بالبر طوفته له وكان عايش حياته مع ربعه واذا قلت تعال ودني طبعا انا اسوق قال روحي بسيارتج وكله يسهر بره ويجي جريب الفجر صارت مشاكلنا علي سهره بره وكم مره تفاهمت معاه ماكو فايده قمت انا اجيب الماجلة وحتى الغاز انا اجيبه وخذيت له قرض يشتري سياره طبعا باعها بعد اسبوع من زواجنا ودفع التزاماته وشرى له سياره بالف وعطاها لاخوه ورد علي سيارته القديمه كان حاطها عند اهله ماكنت ادري هذا غير الاجواء الرومانسيه والاهتمام فيه وكل اسبوع هديه او بين فترة وفترة بس ماشفت منه شي لانه محد كان ينبهني الى ان نبهتني مرت حماي وقالت لي اللي قاعد تسوينه غلط وترى ماينفع فيهم فوقفت الهدايا عنه وكان عديم احساس واهتمام وكان يمشي مع شباب مو متزوجين فعايش حياته وقمت ادعي الله واصلي انه الله يهديه لي ويسخره والحمدللع قلل السهر بره قام يهتم فيني شوي قلت العوض ولاالقطيعه لاني بصبر والمره مالها الا بيتها لحد ماجا الصيف اللي طاف والا امي طاحت علي وانشغلت معاها بالمستشفى وماكان يجي يسال ولايهتم الا بعد للاصابع كانوا اخواني يجيبون لي ملابسي واكلي لحد ماتوفت امي غسلتها وكفنتها بإيدي طبعا فراقها صعب عسى الله يسكنها الفردوس الاعلى😢😢ف ظليت يتيمه وحيدة ورجعت باسبوع العزا لزوجي لشقتي وكان زين معاي وقعدت شهرين والا يطلع لي بسالفه اني ادفع معاه الايجار يقولي انا عندي ولد وبشتري له قلت له بس يبقى من معاشك 260 كافي وانا قاعده ادفع الماجله وملابسك ومعاش الخدامه ومسك وطقني طق ورت لاهلي يومين والا الاخ طالع من الشقه وقاط ملابسي بالارض دمعت عيني وتحسبت عند الله عليه ووقفوا معاشه ثلاث شهور وعقبها جاني ردني ورديت قعدت بيت اهلي ثلاث شهور معاه وبعدين زفني اخوي قالي زوجج اتكالي لاتعلمينه روحوا اطلعوا بشقه. رحت طلعت بشقه طبا نفس اثاثي القديم والحمدلله الله رزقني وحملت ومن هني بدا للمشوار العذاب قالي جيبي. خدامه علشان اجيب ولدي عندنا قلت اسم الله عليه ولدك كبير عمره 9 سنوات ومو بحاجع لخدامه ومابي خدامه ابي اخذ راحتي معاك والخدم وصلوا 900 قط نص وانا نص ماقدر عليها عندي قرضي وقرضي امي ومصاريف. وقام وطقني طق وانا حامل طبعا بنات سافرت معاه مرتين وكله على حسابي وغير المطاعم والسينما علي حسابي قلت عادي لوناستي وعقب ماطقني رحت ارتحت بيت اهلي وردني ثاني مره ورديت وكنت متوحمه عليه اكرهه وكله مشاكل وقام طردني وخذيت اغراضي وطبعا كسر تلفوني وعلي اخواني قال اخذوها بس علشان كنت اعصب عليه لانه متنسيه عليه وطبعا انا مديت له لساني وسفلت فيه وحتى ملابسه قطعتهم من الحره لانه اخواني مايعرفون يوقفونه عند حده ورحت ارتاح والا الاخ بايع اثاثي وطالع من الشقه وراح عند اهله وبعد اسبوع من الزعله حسيت اني غلطت ودقيت تاسفت منه وناديته بيت اهلي وكان شايل علي خاطره مني وتاسفت واعتذرت وقلت له انه كل شي يتعوض فبين لي انه رضى ومن يطلع مني. مايدق ولايسال كلش خليته ودعيت له ودقيت عقب اسبوع وقلت ليش ماتسال انا مو زوجتك مو اللي ببطني ولدك قللي مافيني شي اللي ماتحترم زوجها مو محترمة قلت مايخالف انا ابيك قال ليش هدمتي بيتنا قلت كنت اتوحم عليك شسوي قالي خلاص بعد نفاسج نطلع شقه انا تعبت منج وهذي اخر مره لج ان زعلتي اتزوجج عليج قلت الله يهديك وسكرته منه نفس الشي مايسال ولايدق خليته واكتشفت انه مسافر مع اهله ولابلغني ولاشي خليته قلت خلاص ليمتى والحين قاطني شهر مايسال ولايجيب لي شي يقولي انتي فلس انتي فلس واخد مادفع لج وشنو اتصرف معاه تكفون ابي حب غير الطلاق لاني احبه قمت اصلي وادعي له. وقمت اتسبح بسدر وماي قلت يمكن نفس بيني وبينه تكفون ادعوا لي وابي حل منكم. وفي شغله نسيت اذكرها اني زينه مع ولده ورحومة بس كان يبديه علي ويقولي انتي ماتسويين اظفره وحتى حشاكم ز.... ماتسوينه