والله ماهقيتها ياجمهور الهلال ... بديتم بالسحبات من الان ؟!!!!!!!!!!!!!
السلام عليكم ورحمة الله وبركاته
كلنا نعرف هاشتاق #آسيا_تنادينا_لدعم_نادينا
وكل الهلاليين كانوا متحمسين وينتظرون التذاكر تنزل
حتى اللي بيرتبون التيفو من زود الحماس راح يكون التيفو بارجاء الملعب
ليه ؟؟
لان جمهور الهلال متعطشين يبغون يحضرون .. يؤازرون .. يساهمون بنجاح التيفو .. يهتفون طوال 90 دقيقة
يعلمون الخصم من هم (جمهور الزعيم)
نزلت التذاكر امس الاحد
والمفاجئه ؟؟؟
اللي اشترى التذاكر قليل !!!!!!!!!!!!!!!!!!!!!!!!
ومنبر الهلال صرح ان بقي اكثر من 45 الف تذكرة
ليه ياجمهور الهلال ؟
http://www.dohaup.com/up/2014-08-17/admin1095299989.png
ماتبغون تكررون هالمنظر
http://www.dohaup.com/up/2014-08-17/admin458584892.png
ماتبغون الاتحاد الاسيوي وغيرهم يتكلمون عن جمال جمهور الهلال وابداع جمهور الهلال
ما اشتقتم ؟
http://www.dohaup.com/up/2014-08-17/admin2020595239.png
ليه مافي كمية شراء على التذكار
اوكي المنصه بـ 1000 ريال
والممتازة بـ 200 ريال
بس الموحده يازعماء بـ 30 ريال
مانبغى احد يتكل على الثاني ... لاتعتمدون على التذاكر المجانيه اللي راح تتوزع ليلة المباراة من عند مجلس الجمهور الهلالي
اذا قادرين تشترون تذكره بـ 30 ريال و 200 ريال لاتقصرون مع ناديكم
اتركوا المجانيه للي ماعنده استطاعه على شراء تذكرة بهالقيمه
او للي جاي من خارج الرياض ولا راح يوصل الا متأخر
ارجوكم يازعماء
نبغى هالعدد بالملعب وزياده .. وانتم قدها
http://www.dohaup.com/up/2014-08-17/admin561877100.png
نبغى الكل ينصدم بالعدد الضخم من الجمهور ليلة المباراة
يازعماء ..
عدد اللاعبين 11 ... كونوا انتم رقم 12
ساندوا اللاعبين .. اهتفوا بصوت واحد .. اربكوا الخصم بأهازيجكم .. شجعوا اللاعبين على القتال بروح عاليه
عشان شي واحد فقط
نشوف اليوم اللي لاعبين الهلال شايلين كأس اسيا
http://www.dohaup.com/up/2014-08-17/admin979095207.png
في الختام:
اشكر كل شخص شرا التذكرة وجاهز للمباراة
وكلمة الشكر ماتوفيكم يازعماء s13s
الاشخاص اللي من خارج الرياض وماراح يوصلون الا ليلة المباراة :
راح تتوزع التذاكر يوم الثلاثاء (ليلة المباراة) في العصر عند البوابة الخارجية رقم 5 من الساعه3:30 العصر الى الساعه 4
ويارب لاتخيب امالنا .. وفرحنا بشوفة الهلال منتصر بفوز ساحق ويكون مرمانا نظيف مافيه ولا هدف
