شعر أشواق وعتاب

ما بين حلم وعلم وأشواق وعتاب
بعاتبك دام الظروف سمحتلي
وأذكرك بالحب وعهود الأحباب
قدّام لا تنوي مع الوقت قتلي
وأبنشدك عن غيبتك ويش الأسباب
وعن روحك اللي بالهوى ما وفتلي
وعن قلبي اللي من بعد غيبتك ذاب
خلّى مكانه والضلوع اشتكتلي
منك الهجر شفته على ذيك الأهداب
وعيونك الثنتين به لمّحتلي
وأنا على صدقي ولا صرت كذاب
يوم القلوب القاسية صرّحتلي
تبي الصراحة صرت أنا منك مرتاب
ما عاد تلزمني ولا تلفتلي
ولا عاد تذكرني ترى خاطري طاب
من صحبتك يوم إنها ما صفتلي
مادام هالدنيا من تراب لتراب
لو دامت لغيري فلا وصلتلي
ما صار حلم وحلم وغياب وغياب
ما جت ولا أظن الظروف سمحتلي