ويل الزمن يابنت

السلام عليكم اداريين واعضاء وزوار غرابيل
اولا والنعم في جميع القبايل والحمايل والعوايل,ولكن لقبيلتي علي حق في مثل هذه المواقف
وكتبت هذه القصيد من غيض
تحياتي[poem=font="simplified arabic,6,black,bold,normal" bkcolor="transparent" bkimage="backgrounds/5.gif" border="none,4,gray" type=2 line=0 align=center use=ex num="0,black"]
ويل الزمن يابنت ياويل ويله = ان كان علا شان من ينفخ الكير
يابنت ماني من جموعٍ ذليله = صغيرنا للقمه اسرع من الطير
وكبيرنا فوق النوايف مقيله =وشبابنا بالحرب عزم المغاوير
عتبان لا جا الضد يغلي غليله= نزوم زوماتٍ على الضد تدمير
حنا القمم والمجد حنا سبيله= حنا الظفر في يوم صفق الشواطير
اهل الهمم والمرهفات الصقيله= واهل الرمك ستر العذارى الغنادير
نبع الشيم واهل الجذور النبيله= منّا رضع من نوّر الكون تنوير
المصطفى الخاتم رسول الفضيله= حق من التاريخ ماهي أساطير
عقبان وطّت هامة المستحيله= سقم القهر تاج الفخر والمناعير
نسل الليوث امعدلة كل ميله= قومٍ نرد الضيم مضيوم وصغير
(فـ) حلوق صكات الزمن حنظليله=والله خلقنا للمعاسير تيسير
جمال لحتجنا نشيل الثقيله= وفهود لحتاج الامر فر ومغير
وجبال لحتجنا ثبات وصميله= حكمه ليا احتاج الامر حسن تدبير
وبروق لاحتجنا مقابيس عيله= ورعود لاحتجنا مراسيل تحذير
مانجزع ان جتنا السيوف السليله= حتى ايش لو صكت علينا الطوابير
نبطش بهم بطش السنين المهيله= بطش الزلازل والحمم والاعاصير
هلاك فوق العاديات الاصيله= وليا كسرنا لا تدور مجابير
كم شيخ قومٍ عايلٍ فوق خيله= وقايد له قرومٍ ولاعينوا خير
وليا نجا يرجع وفاضي شليله= لاقروم وسيوفٍ ولا حصان وبعير
عدونا يابنت منهد حيله= هدّنه الحدب الحداد البواتير
ولا سادت ايام الجفاف البخيله = نفيض جود ومانسوق المعاذير
نعطي السمان ومانمد الهزيله= نجزل عطانا مانعد المخاسير
مثل كرم واحسان وبل المخيله =يقلب صحاري جرد عشب و نواوير
ودوا نفوسٍ من دهرها عليله= وحمّاية اللي مالقاله من مجير
يسعدبنا والهم عنه نزيله= ونبرد على قلبٍ شكى نار تعزير
ومهما كتبت ابيات تبقى قليله= ومهما ذكرت بيلحق القول تقصير

لكن عزاي بذكر علمٍ حصيله= حنا الزحازيح الحرار المناعير

والنعم في كل القبايل جزيله=ومني لهم اسمى معزه وتقدير[/poem]
[align=center]بدر ناصر المورقي[/align]

ابن العم بدر بن ناصر

اولا مثل ماقلت كل القبايل والحمايل والله ونعم وكلٍ له من الطيب نصيب

ثانيا بيض الله وجهك بيض الله وجهك بيض الله وجهك على ماقلت

قصيده من الوزن الثقيل فيها من الابداع والروعه مايطرب القارئ

لك مني الاعجاب+المتابعه المستمره يابن العم

صح لساااااااانك ليين انك ترضى

فالح المصعوك الغنامي
صح بدنك ووجهك ابيض دايم يالخال وشرفني مرورك ومتابعتك
تحياتي
بدر العتيبي

بدر ناصر بداح العتيبي

هلا بك وغلا

والله والنعم والله والنعم والله والنعم

عتيبه الهيلا كاسبين الغانمه يوم النعم كايد ...

وش اقول والله اني يخوني التعبير اذا صار الكلام في عتيبه ..

شهادتي بكل مايعني عتيبه مجروحه من حبي لهم ويشهد علي ربي ...

والنعم في كل القبائل والحمايل وبيض الله وجهك على المقدمه اللي ذكرتها نعم هذا هو الرجل

العاقل قبل الشاعر الذي لايبخس الا خرين حقوقهم لو بكلمه ..

ونعم صحيح لقبيلتك عليك حق وانت كفو وقبيلتك كفو وتستاااهل ...

تقبل مروري

صح لسااااااااااانك يالطيب

تقبل تحياتي وتقديري

احمد مناحي الشمري
حياك الله يابن الطنايا والكلام الطيب هذا من طيب اصلك وطيب افعالكم
بدر العتيبي

محمد الروقي
صحت ابدانك لاعدمتك
بدر العتيبي

صح لساانك


وكفو والله بالهيلا...

ابوناصر


صح قلبك وكلك

وسلمت اناملك

تحيتي لك

http://www.arb-up.com/files/arb-up-2008-1/1F686000.gif

الشاعر الرائع القدير /

،, بدر ناصر العتيبي ،,

قصيدة رووووعة في حق بني عتيبة والنعم فيهم

ولا هانت جميع القبايل والنعم فيهم

لله درك

وصح لسانك ونبضك وروحك يالطيب

وبيّض الله وجهك

لا عدمنا جديد شعرك الرائع و العبق والأنيق والراقي

فائق احترامي وتقديري

بدر العتيبي

صح الله لسانك وفكرك

قصيده جزله من شاعر جزل

والنعم في عتيبه ولاتهون باقي القبايل

تقبل مروري

سعود البديري
صحت ابدانك وماعليك زود
شكرا على المرور
تحياتي
بدر العتيبي

والنعم فيك يابدر وفي قبيلتك

وصحححححححححححححح لساااااااااااانك

بدر العتيبي



صح قلبك وكلك


وسلمت اناملك


جزل دوما


تحيتي لك

ابو عبدالرحمن
صحت ابدانك ولاهنت على التشريف والمرور الكريم
تحياتي
بدر العتيبي