دعوه للتفائل ..

اللهم لك الحمد حتى ترضى ولك الحمد اذا رضيت ولك الحمد بعد الرضى .. اليوم بداية المباريات الرسميه للنادي الاهلي بالموسم الجديد يعني بدأ الجد وبما أنه خلاص ما تفصلنا عن أول مباراه سوى ساعات معدوده حبيت أشارك بعدة نقاط لعل الله ينفع بها ..
ادارة الاهلي السنه هاذي بدت بالصيف بدايه غير مألوفه لنا من ناحية التعاقدات المحليه ودعمت أكثر من خانه كان فيها ضعف بالعنصر المحلي مثل الظهير الايسر والهجوم .. لأن بالمواسم اللي فاتت كانت الاداره تعتمد على لعيبه معينين وفوقهم الاولمبي و4 أجانب واذا صار تعاقد محلي يمكن يكون عنصر واحد او إثنين بالكثير يعني السنه هاذي صار عمل مختلف جديد على الاهلي بالذات .. نتفق أو نختلف مع التعاقدات مو مهم المهم إن كان فيه عمر غير تقليدي للاهلي وبالسياق غير التقليدي كمان شفنا مدرب الاهلي عندما أصر على ان يكون الاجنبي الرابع جناح مو صانع وكمان الامر هذا جديد لأن بالمواسم السابقه كان لابد من ضمن الاجانب اجنبي صانع يعني هناك فكر جديد من المدرب والاداره كمان هالموسم عشان يكون مختلف عن المواسم السابقه بإذن الله ويتحقق طموحنا جميعا من جماهير ولاعبين واداره لأن والله الاداره كمان يتعبو حطوا نفسكم مكان فهد بن خالد أوي شخص تخيل انسان يدفع من جيبه وارتباطات وفوق كل هذا هو مشجع قبل لا يكون رئيس يعني الخساره راح يكون وضعها أقوى عليه وانا والله العظيم ما اقول الكلام هذا تطبيل بالعكس انتقدنا فهد بن خالد أيام المعسكر وايام الاجانب وسوينا هاشتاق للريس من حبنا وخوفنا ع الاهلي ..
أنا اسف على الاطاله والموسم الرسمي للاهلي اليوم حيبدأ وان شاء الله كلنا نكون يد وحده ونخلي كل شي على جنب والشباب والله كفو ووفو بتويتر مسويين حملات وهنا كمان مواضيع مشجعه تخلي الواحد يتفائل .. قدام يا مجانين قدام