مشاعر (مصافحه اولى) تحياتي
[align=center]السلام عليكم ادارة واعضاء منتدى غرابيل هذا الصرح الشامخ الذي يشرفني الانضمام اليه والسلام موصول لشاعرنا ابو محمد (فيصل العتيبي) والسموحه لما حطيت القصيده بأسم مستعار لانني اجهل قوانين المنتدى مما اطرني للتسجيل مره اخرى وحاولت التوضيح بأرسال رساله خاصه ولاكن لم اتمكن من الارسال وها انا اصافحكم بهذه القصيده مره اخرى راجيا ان تنال اعجابكم
[/align][poem=font="Simplified Arabic,6,black,bold,normal" bkcolor="transparent" bkimage="backgrounds/5.gif" border="none,4,gray" type=2 line=0 align=center use=ex num="0,black"]
صغت المشاعر لك حكي مابعد قيل= يطْربْك سمعه واترنّم به طيور
وسقت الموده فوق قلبك مخاييل= منها نبت قلبك من اشواقه شعور
وترجمت عشقي فوق دربك هماليل=منها امتلى دربك فراشات وزهور
ولامن وصفتك شعر وصفي كما السيل=يثمر غصون احساس ممحل له دهور
واذا رسمتك وصف باحلا التفاصيل= خليتك تظنين نفسك من الحور
وان ابتسامه كافي تبدد الليل= وانك عذوبه كافيه تعذب بحور
حتى القمر والشمس والجدي وسهيل= ظنيتي ان وجهك لهم مصدر النور
وياحسرتي ماشفت منك محاصيل= غير انغماس الروح في عالم الجور
وتثيرك العذال والقال والقيل= وافهمك وانصح وما تسمع الشور
وتدور الزلات وتحط وتشيل= تهايم من نسج راسك وهي زور
ولا جيت يمي جيت كلك غرابيل= وان غبت عن عيني شياطينك حضور
روّح عساني للعوض بالمقابيل=وصبر على هالحال ماني بمجبور
باقي تحملني وزر قتل هابيل= واني سبب ديمومة ابليس مغرور
واني محرض ابرهه صاحب الفيل= ولاعب بعد بغياب هدهد سبأ دور[/poem]
بدر ناصر بداح العتيبي
