َ,َ,َ,َ, من بعد ما قالوا إن البنت مخطوبه َ,َ,َ,َ,َ, م/1
[align=center]بسم الله الرحمن الرحيم
السلام عليكم ورحمة الله وبركاته
متواضعه أولى .. علّها أن ترتقي للذائقه .. [/align]
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من بعد ماقالوا إن البنت مخطوبـه=وأنـا عيـونـي لـذيـذ الـنـوم حاربـهـا
عرفت طعم الفراق وفقـد محبوبـه=وإن الحـيـاة إتـكـدّر مــن سبايـبـهـا
كـن الونـاسـات والأفــراح منهـوبـه=من دنيتي والحزن والهم أحاط بهـا
الموت لن كان وإن البنت مغصوبه=الله يـدمـر حـيـاتـه كـــان غاصـبـهـا
وإن كانهـا راضيـه ماهيـب مذنوبـه=يا الله بمـا سـوت إنـك لا تحاسبهـا
الزيـن مـا يحتمـل لــو زادت ذنـوبـه=يـــا الله يـاربــي إنـــك لا تعـاقـبـهـا
بلقـى لهـا العـذر والأقـدار مكتوبـه=الله خلقهـا ولــي مـاهـوب كاتبـهـا
والسالفه كلها الصاحب ومطلوبـه=يبغى قصيده وقلـت أبشـر لأرتبهـا
ويا صاحبي ما تعرف الحب ودروبه=كل المصايـب لـزوم إنـه يجيـك بهـا
لكـن يـا صاحـبـي لا تعـلـن التـوبـه=تلقى حبايب وهـي تلقـى حبايبهـا [/poem]
