الوحدة قاعده تذبحني،،، شسوي

مرحبا بنات
موضوعي باختصار اني متزوجه شخص مايصيرلي
وساكنه بمنطقة بعيدة حييييل عن اهلي
و زيارتي لهم بالساعات ولا اقدر اطول عندهم لظروف خاصه
حمولتي كبيرة حيل ماشالله
لكن علاقاتهم فبعض ضعيفه حييييل و لا يتواصلون مع بعض كلش
ممكن تمر سنة سنتين ولا اشوف الا خالتي ام زوجي
هي الوحيدة اللي اشوفها
حاولت اكثر من مره اجمعهم في شقتي
و حاولت اجمعهم في بيت خالتي
لكن كلش ماكو فايدة
اكتشفت انهم فعلا مو راغبين وكل وحده مشغله روحها بروحها

انا انسانه اجتماعيه و عشان جذي حاسه بوحده كبيرة
احتاج عالاقل اشوف ناس يوم بالاسبوع بس
ابي اكلم اوادم
رفيجاتي معاي واتواصل معاهم لكن طبعا الزيارات مو كثيرة لان اصلا انا ما اسوق و لا عندي سيارة
فصعبة ان زوجي كل اسبوع بيوديني لوحده

اشغلت وقتي بالقراءة والافلام و لعيالي واطلع مع زوجي لكن لحد الحيت ماكو فايدة لان هالامور ماتغنيني عن القعدة مع بنات بعمري و شوفتهم
اتمنى احد يقترح علي شي يا بنات