كالعادة .. شماعة التحكيم واللجان جاهزة عند رئيس الأهلي

السلام عليكم .. كل عام وأانتم بخييييييييييييير وجعلني الله وإياكم من المقبولين والفائزين يارب ..

كلنا متضاييقين من طريقة إعداد الأهلي .. للأسف كل موسم نفس الأخطاء تكرر رغم إنو هذا الموسم هو الخامس للأدارة وليس الأول ..

فيه ناس متفائلين وأحترم تفاؤلهم من باب الدعم للإدارة والفريق .. ولكن لازم يكون تفاؤلنا منطقي عشان لا نتفاجأ بالنتائج وتكون صدمة علينا ..

أعتقد الغالبية من جمهور الأهلي غير راضيين عن وضع الفريق في الأول حاليا .. والإستعداد الضعيف والعادي جدا مع عدم التعاقد مع صفقات مهمة في مراكز الحراسة والظهير الأيمن وعدم إنهاء ملف الأجنبي الأخير ..

الآن في ظل هذي التخبطات الإدارية المتكررة والتخلف والفشل الإدارة في الأهلي .. كيف حتكون ردة فعل الإدارة والإعلام والجمهور في حال عدم تقديم مستويات ونتائج مرضية لا سمح الله ؟؟


أتمنى من كل قلبي أن ينتبه الجمهور لنقطة مهمة جدا وهي ( شماعة التحكيم واللجان ) في حال الفشل في تقديم ما يرضي الجماهير لا سمح الله ..

تعودنا من الرئيس فهد بن خالد وأغلب الإعلاميين الأهلاويين الهجوم على التحكيم ولجان الإتحاد السعودي ( مثل لجنة الإنضباط والمسابقات والحكام ) وإنو هناك مؤامرة تحاك ضد الأهلي ووو وغيره من هالهياط السنوي من الإرئيس وإعلامه ..

لازم تكون لنا وقفة قوية جدا ضد الإدارة .. يا حبايب .. فهد بن خالد صار له 5 سنوات رئيس .. والنادي كل ماله للخلف در .. وكل سنة والطموح في النازل والأخطاء تكرر وتزيد ومافي أي استفادة منها ..

لازم تكون كلمتنا وحدة هذي المرة .. لأنو صراحة حتى لو حصلت بعض الأخطاء التحكيمة وبعض القرارات الظالمة من اللجان ما راح تكون هي السبب الحقيقي في فشل الأهلي ..

الإدارة .. الإدارة .. الإدارة .. هي سبب نجاح أي فريق وأي نادي ..

بالله يا جماعة اللي حاصل الأن في الأهلي يوحي إنو الفريق راح ينافس بقوة وشراسة على الآسيوية والدوري .. .. ؟؟

أعتقد الجواب : لا وألف لا ..