لا تتبع الموضة ولا تكشخ بزود
مزيون لو تلبس ضحى العيد خيشه
من يشبهك في هالحلا بات مفقود
ماذكر من رفحاء ليا اطراف بيشه
ياللي تجيد الذبح بعيونك السود
ينهار قدامك عزم هتلر وجيشه
طاغي وتتدلع على ابيّك العود
تمشي وتحسب فوق هامتك ريشه
مترف وماتطلب بدنياك موجود
الله يسلم لي شبابك .. وطيشه
وش فيك ناسيني على الهون والكود
لاهي ترى حاله .. ولاهي بعيشه
إن كان باب الوصل بالعيد مسدود
افتح لمرسول الغرام الدريشه
