☼ الجولة الثالثة [ فيديو + قصائد مكتوبة ] ☼
☼ ثنيان الرشيدي ـ السعودية ☼
http://www.kuwait80.com/videosth/615.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
سافرت للبيرق حزيـن ولانسيـت الا الدمـوع=الحزن مايجبر عزى والكسـر مايجبـر كسـر
حزني فراق أقارب راحوا مـراح بـلا رجـوع=اسكنتهـم عهـد الثـرى واحبهـم قبـر قبـر
لهـم ممـات باللحـد ولهـم حيـاة بالضلـوع=اعيشهـا متجـدده طـال العمـر ولا قـصـر
مؤمن بمايكتب لي الله واطلـب الله بالخشـوع=يغفر لهم رب البشـر وايمانـي بـرب البشـر
وآقف وكني من بعدهـم لاجريـح ولا جـزوع=أقابل الدنيا بضحكـة سـن وضلوعـي جمـر
وابـادل الدنيـا عطاهـا مـن ثراهـا للفـروع=استقبل القسمه رضا واستثمـر طعونـي عبـر
واضحك مثل غيري واشب لبسمة الفرحه شموع=لو فرحتي غفوة عيون الذيـب وسنينـي سهـر
واذا طلبت سلمى ركوعي مالقت منـي ركـوع=مانيب راكع والركـوع اللـي ماهـو لله كفـر
واذا سقتني من عيون الـود فنجـال القطـوع=اسقيتها فنجال صبر وقلت يربـح مـن صبـر
وان قابلتنـي بالتحـدي فـز قلبـي للجمـوع=فـزة نـداوي(ن) تعلـم لاسبـوق ولا وكــر
واسرجت لي مهره اصيله ودحمت بين الـدروع=والذل بطن بلا ظهر والعـز لـه بطـن وظهـر
اما عشاي من النحر ولا عساي امـوت اجـوع=والجوع اخير من العشا اللـي ماتربـى بالنحـر
آخذ مـن الدنيـا مـدارس للعقـول وللطبـوع=واخذ من الراحه زهر واقصر عمر عمر الزهر
لولا التعب مايضحـك الفـلاح لظـلال الـزروع=اخذ الخبر ياصاحبي من صاحبـن عنـده خبـر
والصبح دورني وتلقانـي علـى سلـم طلـوع=ارقى على متن الهـرم واخايـل الحـادر حـدر
جيت اتلهى بشربـة الفنجـال ماهـو للقـدوع=لعيون حلـم ابـوي وعيـون الثريـا والقمـر
واقول ياصدر الهموم اللـي هواجيسـك تـروع=لاتفكر انـك منهـزم قـم فكـر انـك منتصـر
لابد حل المشكله من داخلـك وانـت مخـدوع=متكابـر همـك وهـمـك لاتكابـرتـه كـبـر
حاول بنوع وخل نوع ونوع نوب يجيـب نـوع=تقلب حجر ويولع الكشاف مـن نفـس الحجـر
تراك رابح منت خاسر لو عطاك الوقـت كـوع=اللي خسرته بالحيـاة تواجهـه يـوم الحشـر
والله كفل رزق الحرار ولا نقـص رزق التبـوع=ولو عذب الانسان مافـرغ علـى قلبـه صبـر [/poem]
http://www.almillion.net/media/web/1.gif
☼ سعد مرزوق الحبابي ـ الإمارات ☼
http://www.kuwait80.com/videosth/616.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
مرت سنين بعد سنين والوقت دار=والمعزة من الذلة اصبحت منهكة
يوم شفت الجبال الشم صارت صغار=قلت هذا الزمان مااظن فيه ابركة
ابرق الريش رفرف بالخضيرة وطار=خلّه يطير دام الحر وسط اشبكه
يقطعك يالمجامل كيف تصنع وقار=كيف تتقن فنون الكذب والفبركة
ماعرفنا الحقيقة لين طاح الستار=وطاح تاج الملك واصبح بلا مملكة
وانت ياصاحبي دام الهقاوي كبار=وبعد ماطال وقت شعيل في مبركه
ودي اعطيك رايي واسمعه باختصار=ان اعجبك اقبله وان ماعجبك اتركه
لازم تحارب التقليد بالابتكار=واي دربٍ تشوفه سهل لا تسلكه
ادخل المعركة واعزم على الانتصار=وان كان مامعك فكر ابعد عن المعركة
طف للجهل نار وشب للعلم نار=واي خشمٍ تعلا بالغرور افركه
ولا تصدق اليا قالوا للابداع دار =لو يبرهن لك الصعلوك بالصعلكة
كل موهوب له نهج وميول ومسار=يملك كنوز موهبته ولا تملكه
فرق حرية المبدع من الاحتكار=مثل فرق اليد الخطلا عن الممسكة
وقوة العزم سيف في يد الاقتدار=يقطع قيود حظك لو هي مشربكة
والكسل وجه نحس يجلب الانكسار=يجعلك تنظر مرادك ولا تدركه
شف غصون القصايد مايلة للصفار=يبستها رياح افكار مستهلكة
بيد شاعر وشاعر خانهم الاختيار=مستقيمين بس افكارهم مشركة
والا انا هاجسي بين المعاليق دار=كل ماقلت ابي حبك القصيد احبكه
نبت بذر المعاني في ضميري وصار=خيزران ليا هب الهوى حرّكه
لين صار لسعد باطراف كونه مدار=كوكبٍ شع نوره في محيط افلكه
والشعر بدون مبدأ منهج بلاشعار=كل من يتبعه يرميه في التهلكة
بس تبقى الجزالة ماعليها غبار=تدخل القلب لو بيبانه مصككه
صاحبي دامك تقول الهقاوي كبار=جاك رايي واذا انه ماعجبك اتركه
بس لاتزعل ان شفت ابرق الريش طار=خلّه يطير دام الحر وسط اشبكه[/poem]
http://www.almillion.net/media/web/1.gif
☼ عقاب الربع الشمري ـ السعودية ☼
http://www.kuwait80.com/videosth/617.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
ياعمري والشتا ليله طويل يكدر المحزون=على شاني يلو مافيك برد الحق تدفابي
ذبحك البعد..يبست من مطالع هالغياب عيون=قسم بالله .. من لحظة وداعك الله ادرابي
تغيب!!وينطعن طهر الليالي..والجروح تمون=تغيب!!وكن احبابي م مهم لاغبت ..احبابي:
يذل العصر عصفوره .. وتيبس مورقات غصون=وتستوطن ضلوعي اهتين تبين ب اهدابي
أحبك .. لعنبو مجنى غيابك وافتكر وشلون=أبتخيل بشوفك كيف اعيّد واطلق اسرابي
تحرفنت الغياب ولا دريت انه هو المجنون=تمدنت الغياب وصرت انا من بعدك اعرابي
تصحويت السهر .. ألين صرت بهالسهر مجنون=لأنه هو تهقوابي وليته ماتهقوابي
يمسلم ياعشيري يالحبيب القاسي المزيون=دخيلك عّود لبيتٍ به همومي تسلاّبي
أدوّر ملح بغيابك ويرجع هالنظر مغبون=وآطالع وانبهت وآآآمووت والجاني بي ثيابي
أرتّب زفرة انفاسي قهر وآطلّع المكنون=كأن مابين أصباعي قسم بالله أعصابي
أصيحك. واجمعك. وآرتبك. واتخيلك: مليون:=يغيّابي يغيّابي يغيّابي يغيّابي
حراام اللي يصير اني فأرضي مغترب بالكون=أشوف الناس ماااهم ناس ولا ترابي هو ترابي
يعمري ليه تتركني على جال الارق مركون=تخلّي هالطفش ياشين بعد غيابك اولابي
وانا قلبي كما الاطفال ينسى مابه من طعون=حَسَب جرحك من العابه ونادى: عطني العابي
ايهيجن لك غلا. والحب اعمى .والعتب مدفون=تعال شوي .. شوف الحزن ياظالم ش سوابي
عجزت اتخيل غيابك .. حرام تفّلني هلون:=تخليني وحيد وكل هاجوسٍ تمخلابي
على شاني عيوني اكذب وقول : الشتا ملعون=وعلى شاني يلو مافيك برد إلحق تدفّابي [/poem]
http://www.almillion.net/media/web/1.gif
☼ عيضة السفياني الثقفي ـ السعودية ☼
http://www.kuwait80.com/videosth/619.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
البارح احتد النقاش وفز من صدري كلام=كم لي وانا اكبت في جماحي وداخلي واتوسله
مبطي وناره تحت بضلوعي وتمشي في العظام=شاعر لياما شاف نفسه شب ضوه واشعله
اربع سنين احسني واقع بغربة وانفصام=اعصي واطيع برغبتي وارفض عنادي واقبله
شاعرعلي حد التعب مخذول واحلامي حطام=بيني وبين الناس في الواقع ضجيج وبلبله
احيان احس اني ضيا واحيان احس اني عسام=واحيان يسألني فضول الناس واحيان اساله
وش فيك ماتكذب وقلت الكذب للشاعر حرام=طيب بلاش الكذب جامل غصب والصدق اقتله
قلت اعظم الشعر اصدقه قالوا يوصل للعدام=قلت العدام اللي يزيف من حياته مرحله
قالوا كلامك حاد قلت الشعر للشاعر وسام=والناس فيه ان كان ماهي غافلة مستغفله
تعبت من قولة تمام وكل شيء ماهو تمام=والبارحة حالة وجتني بالكلام من اوله
هزت عروش الذاكرة وتساقط المعنى وقام=قومة عزيزٍ فوق صدره من جروحي سلسله
جيت الحياة وداخلي شاعر خطف عقلي وهام=يبني علي مستقبل انسانيتي مستقبله
ماله شبيه الا الضيا يحتج قطعان الظلام=بين انكسار الجوع واستعطاف حب السنبله
تعبت اروض فيه واطرافي علي طراف اللجام=ان طاع وان ماطاع تبقي مشكلتنا مشكله
حصلت ناره نار ماحصلتها برد وسلام=تقتل طموحاتي وتبعثها جروح مثقله
للحب جيت اكتب ولا رفرف علي اوراقي حمام=احس حتى اللي كتب للحب حبه يجهله
احمل قلق واحمل تمرد داخلي واحمل نظام=واحمل قصيدة من خيال انسان عادي مهمله
قلت انسجم حصلت في العزلة عن الناس انسجام=كنّي وطن والشعر كنّه طفل وجروحي هله
انسان واحمل داخلي شاعر خطف عقلي وهام=يبني علي مستقبل انسانيتي مستقبله [/poem]
http://www.almillion.net/media/web/1.gif
☼ فالح بن قشعم الهاجري ـ الكويت ☼
http://www.kuwait80.com/videosth/621.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
يالله انّي في ذراك .. امـن الشعـور الغابـي=ومن تسوّل بعض الأنفس .. والفؤاد .. وشونه
لا أنكسر حلم الطمـوح .. وغلقّـت الأبوابـي=وضاق رحب الكون والواقـع .. تغيّـر لونـه
أحمنـي مـن زلـةٍ ن يفـرح بهـا المغتابـي=ومن كدر وسع الصـدور .. وعبـرةٍ مكنونـه
فاح ريح العود .. والطاري طـرى وأنسابـي=وأنسجم بيـت القصيـد .. لراعبـيّ الحونـه
وأسفهلّت بسمـة الفكـره .. ونـال أعجابـي=كـل بيـتٍ فـي قـوام المتـرف المزيـونـه
مترفه من غيّها .. يحسب لها الـف أحسابـي=ومن عيـون الحاسديـن وحقدهـم مصيونـه
درةٍ ماحـافـهـا الـخـيـال والـجـلابــي=من وراها السيف الأجرد .. والمشـوّك دونـه
ومـن محاسنهـا تواضعهـا بحسـن أدابـي=ومن كرمها .. تكـرم اللـيّ بيتهـا ينصونـه
ومن ولاها لهلهـا .. تفخـر بهـا الأجنابـي=ومـن تعليهـا تباهـا كـل نـجـم بكـونـه
ومـن طهارتهـا وعفتّهـا .. لبسـت أثيابـي=ومن تسامحهـا .. تباهـا كـلّ نجـم بكونـه
وكلّ لون يليـق فـي عـود الشنـاق النابـي=لا أطرقّه صفق الهوى .. عرّض هواه أردونه
السـواد بطرفهـا .. تغضـي بـه الأهدابـي=كنّه موصـى علـى نجلّـه .. وحبّـة نونـه
والحمار بخدّهـا .. يعنـي هـدوء أعصابـي=ولـه نصيـبٍ مـن شفاياهـا وفيـه أنمونـه
والبيـاض بوجههـا يقـرا عليـه أكتـابـي=من سخط كيـد الحسـود ونظرتـه واعيونـه
والخضـار بموقهـا يفـرح بـه الأعـرابـي=أيتـزوّلـه ربـيـع بمـوقـهـا يـرعـونـه
طامـحٍ شامـت مـن الخـطّـاب والعـزّابـي=تصفق أصبعها .. لعشّـاق الهـوى وأفنونـه
كثـر ماجاهـا مـن الـعـزّاب والخطّـابـي=شامـت وشامـت لشيـخٍ شعبـه أيحبـونـه
من ولاها له .. ولاها مـن غـدر الأصحابـي=ومن طمع حلـم الطغـاة .. وزمـرةٍ مغبونـه
مـدّ جــوده للبعـيـد يـعـمّ والاقـرابـي=كـلّ دولـه عمـرّت مـن شيكـه ومليـونـه
ليـن صـار اسمّـه مثـل تضربّـه الأشنابـي=مـن تهقوابـه بطيـبٍ .. ماتخيـب ظنـونـه
لأقبل اليـوم العبـوس .. وشنّـت الأصعابـي=حـلّ عقدتهـا وحمّلهـا بحـمـل أمتـونـه
عشـت ياشيـخٍ غـلاك بـدم شعبـك دابــي=وكل شعبـك بالـولاء لـك يعلنـون العونـه
صـفّ واحـد مانحيـد .. وصفّنـا ماهـابـي=دون ابوناصـر فـدا .. أعمارنـا مرهـونـه
ومايزعزعنـا تطـرّف .. وأنحـلال أحزابـي=شلـةٍ متشرذمـه .. وأفكـارهـا مجنـونـه
أتــزوّل بالـسـلام .. وسلمـهـم كـذّابـي=وكـلّ منهـم نيـتّـه مـدحـورةٍ مقـرونـه
الكويـت أمحصنّـه .. وأزنـادهـا سبّـابـي=دونهـا ظلـعٍ متيـن .. وقـوّسٍ مسنـونـه
أن ضربنـا كـلّ سلبـي .. ينقلـب لأيجابـي=وأن بطشنـا نركـي الجمـره علـى غليونـه
كلنـا مـن دونهـا ستـر وذرى وأحجـابـي=ومن يخـون بديرتـه جعـل السنيـن تخونـه
شاعرٍ تشـرف علـى ذكـر القصيـد ونابـي=وابـن قشعـم لاتكلـم كلمـتـه مضمـونـه
صـفّ واحـد مانحيـد .. وصفّنـا ماهـابـي=دون ابوناصـر فـدا .. أعمارنـا مرهـونـه [/poem]
http://www.almillion.net/media/web/1.gif
☼ فليح الجبور الصخري ـ الأردن ☼
http://www.kuwait80.com/videosth/620.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
يالون غزلان المها أو كمـا الغيـد=لا شافهـن قلـب المعنـى رمنـه
تشوفهن من يوم يقفـن مطاريـد=وإليا أقبلن يافرحـة اللـي يجنـه
لا قام يلعب ضافي الجيد على الجيد=يون قلـب العـود ميتيـن ونـه
ما وقفت لا عند شايب ولا وليـد=ما دام حب وركبة الخيـل سنـه
سلايـلٍ تلقـاه عنـد الأجاويـد=كل من نوى الهقوات مـا يخذلنـه
هقوات عنتر والمهلهـل وأبازيـد=قبيلهـم سـود الليالـي غشنـه
وإليا أقبلت من غاد ذيك المواعيـد=اللي ركي للطيب ما يخيـب ظنـه
نبعٍ شرب من منبعه كـل صنديـد=ولا هقوتـي كـل المنابـع رونـه
يسعى له الرجال من دون تمجيـد=الطيب طيـب ولا تواتيـه منـه
الحر على الصيدات معتاد تعويـد=ضاري على المقناص من صغر سنـه
ذيب ولاهوب بهقوات ربعه معاضيد=هقوات وش مالعـز يرقـى رقنـه
اللي لا شب وليدهم يشبه الحيـد=يوم السنين اللـي تنافـض نصنـه
ولا زارت قلوب الرجال التنهايـد=ودمع العذارى كل مـورد سقنـه
بكتوفهم ماتشوف غيـر البواريـد=ورايتهم من فـوق روس الأسنـه
اللي حوافر خيلهم لـو بهـا قيـد=وش مـا تمـد البيـد إلا وطنـه
وإليا ارتخى المرباط لو هن مجاهيـد=طلق الشروقي بالصبـاح يغشنـه
مهرة حديهم لا لكد دون تشديـد=مرفرفات الريـش مـا يلحقنـه
عادات بدو ولا وراهـا مقاصيـد=ولا عندهم تحتـاج طنـه ورنـه
ولاهي على ماقالها زيـد وعبيـد=ومبرهجات القـول مـا ينفعنـه
حتى الذواري لا غشت ناعم البيد=تسمع لها من شـدة الريـح زنـه
وعاد اللي تاهوا عن محاس التقاليد=ودايم لهم عن هقوة النـاس كنـه
والزين منهم ما يتمدرى عن الكيد=وهداف طلقين الشـوارب عزنـه
وعن شي يغنم شاربه قاصر الإيـد=وفاعيـل الزينيـن مـا لايمـنـه
ولا شب لهم نيران مثل الأجاويـد=ولا فاح من صفـر المباهيـر بنـه
هذا نقايـص بالرجـال ومناقيـد=وردات حظ لكل مـن جاورنـه
ما يشكي العلات غيـر المضاهيـد=ولا يفسد المعـروف غيـر الممنـه [/poem]
http://www.almillion.net/media/web/1.gif
☼ ناصر الفراعنة ـ السعودية ☼
http://www.kuwait80.com/videosth/622.jpg
[poem=font="Simplified Arabic,4,black,bold,normal" bkcolor="transparent" bkimage="backgrounds/30.gif" border="double,4,gray" type=2 line=0 align=center use=ex num="0,black"]
ناقتي يا ناقتي .. لا رباع ولا سديس=وصليني لابتي من ورى هاك الطعوس
حايل(ن) رابع سنه من خيار العيس عيس=خفها لا درهمت كنه بالنار محسوس
في دجى خالي خلا .. لا حسيس ولا نسيس=تدوخك من شدة البرد طقطقة الضروس
في عيوني يكفخ الطير ويطيح الفريس=وانتهض جساس من دون خالته البسوس
وفي خفوقي فرخ جنية(ن) يضرس ضريس=يوم اوردها هجوس(ن) واصدرها هجوس
ديرتي دار ابن ضاري وابن غثلم جريس=ديرة اللي دوجو في فيافي نجد جوس
ديرتي يا بنت شيخ(ن) ومعدنها نفيس=عيطموس(ن) دونها دثرتني عيطموس
جادل(ن) مطرق جسدها مع الغربي يميس=طينة(ن) من تربه الخلد والدم محموس
نقشت خمس(ن) من الخمس في ليل الخميس=ليت شعري ما ارادت بهذا دختنوس
كم تمنى امعه مثلها فتنه ابليس=كان يمكن قد قلب نصف امتنا مجوس
كن دماث الصدر منها كنيسه او كنيس=صومعة رهبان دين(ن) يؤدون الطقوس
آتقوس مع تقوس نواهدها واقيس=قبتين(ن) قاب قوسين قوس(ن) جنب قوس
خصرها يحكي لنا واقع القوم التعيس=وردفها عن غطرسة بوش يعطينا دروس
من رغم قصرها ما يجالسها جليس=تصبح اطول نسوة الارض في وضع الجلوس
العروسه ماتبي غير ابو تركي عريس=العروسه نجد ماهي بحيا الله عروس
نجد بنت المجد ونسة مونسة الونيس=ما عسفها الا معزي ضحى يوم العبوس
كل اهل نجد(ن) هلي من آجا حتى الخميس=في ذراهم بلتجي عن مقففة الرسوس
وعيشتي ما بين اسود(ن) ولا ماني رئيس=خير من كوني رئيس(ن) على شلقة تيوس
وليس عيب ان خدعني بمكره كل هيس=لأن ما يفهم بطبع الهيوس الا الهيوس
مصطفى في مأدبة عمه البابا لويس=كبر اللقمه تحت ضوء حمراء الكؤوس
وطسم حدتها على حائط المبكى جديس=يوم شقت ثوبها بنت عفار(ن) شموس
سيدة هاك القصر اسمها الاول لميس=دونها سمر الحناجر بترها حد موس
قسقست لأحرارهم قيس قيس قيس قيس=والبستهم من مهانتهم انواع اللبوس
بين خدعه كعب أخيل(ن) ومولد ادوريس=درسونا الاله والمدرس هوميروس
ويش لاقو من قناه السويس اهل السويس=وويش لاقو من تلمسان قوم(ن) من سنوس
كلهم من شدة الجوع راحو خندريس=بين غيبوبه مخدر وصحوه عرق سوس
ثورة(ن) راحو سببها بتوع الاوتوبيس=وش نبي فيها وهي ما تهز الا الغروس
آفه المرء اثنتان .. إلف كاس وحب كيس=والنفوس اليا بغيت تْعرفها ارم الفلوس
ينكشف زيف الشعارات الا حمي الوطيس=ترجع الاذناب اذناب وتبقى الروس روس
صدق لا قال العرب ما يحوص الا الخسيس=ولا يوطي الروس شي(ن) مثل ضعْف النفوس
ناقتي يا ناقتي لا رباع ولا سديس=وصليني لابتي من ورى هاك الطعوس [/poem]
