اللي عنده خبره ياليت يفيدني
اغنام - ابل - دواجن - طيور
تكفون ياهل الخبره عطوني الحل بالفحل
السلام عليكم
الله يغفر لنا ولكم ووالدينا اجمعين
ياجماعة الخير عندي خروف نعيمي ثني توه مشلع المشكله انه مايقرع الا على اليد لازم تمسك له الشاة وترفع اليه ، وهو حار بالطرد لكن ماتعلم قرع الهد يطمر فوق النعجه بدون مايرفع الذنبه لازم واحد يمسكها له ويرفع الذنبه ما هد مع غنم قبل، انا ماخذه من جاري يقول أول ماقرع كان مع خمس شياه وعلمته للقرع على اليد ، والحين حطيته مع غنمي ومعهن خروف اكبر منه سديس وشاطر بالحيل ماشاء الله هل هذا يفيده انه اذا شاف الفحل الكبير يقرع وينسف قدامه يتعلم منه ؟ أو ماراح يتعلم قرع الهد؟
اتمنى اهل الخبره يفيدوني لأني مهتم منه ، للعلم الخروف حار بالطرد يتعب الشاة بالطرد ويتناطح مع الفحل الكبير لكن مشكلته ماينسف ! عطوني رايكم جععلكم ووالديكم الجنة .
hggd uk]i ofvi dhgdj dtd]kd
