غصب عنها زوجوها وسلموها للغريب..؟

غصب عنها زوجوها وسلموها للغريب..؟

مجبره ماشاوروها قصدهم شرع العفاف..

مادروا إن البنيه مغرمه ولها حبيب!!

جهزوها وهي تبكي وترتشف دمع إرتشاف..

وخبروها إن موعد الفرح منها (قريب)..

مالقت أحدا" فهمها وهمها ناظر وشاف..

إن حكت باللي سكنها مالقت الها مجيب..

وكانها هي وافقتهم جرعوها الزعاف..

حالها من فعل أهلها صار محزن ومريب..

والحفل قرب وقامت ترتجف خوف إرتجاف..

كل يوم تقول باكر الفرج بإذن الرقيب..

باكر يمكن يفهمون قصتي بآخر مطاف..

جا باكر ثم عدا وجا بعد باكر عطيب..

وعلقوا عقد الإناره وإحتشد فرد وآلاف..

أيقنت إن الجرح جرحها ماله طبيب..

وإنها لازم تطيع أمرهم وترضى الجفاف..

جو لها والدمع يغرق جفنها الحلو الرطيب..

قالوا ياالله إلبسي ثوبك اللي للزفاف..

كفنوها وفي نظرهم زوجوها للأديب..


..................................................

ريحة ابو سامي
.
.
حياك الله أخوي
واسمحلي بنقل ابياتك هنا لأن القسم النبطي يشترط فيه الأسم الصريح..
وكذا ..القصيدة تحتاج لشئ من الدقة في الأوزان..وبيت ناقص؟؟

بداية موفقه..والقادم أفضل

نتشرف فيك..

وياهـلا,,

قصيده رائعه وحزينه ..
وأتمنى من الله إن لانمر في مثل هذا الموقف الصعب والقاسي ..
أشكرك النوري ..
مع فائق أحترامي وتقديري ،،

صح لسانك

ولاهنت ريحت ابو سامي