خدامتي وزوجي وحمولتي 😔

السلام عليكم

بنات انا حدي محتره

خل اقولكم قصتي وقولوا معاي حق ازعل ولا لا

انا حامل بالتاسع وجبت خدامة تساعدني بالتنظيف وانا ببيت حمولة اول ماجبتها فهمتها مابي تنقل سوالف ولا تجيبين طاريي عند احد ولا تسولفين عندي عن احد مابي مشاكل لانه طبع حمولتي يحبون يسألون الخدم والله وانا عروس جدام عيني يسألون خدامة مرت حماي وين رحتوا ومدام شنو لابسه شنو كلت بشقتها انا انصدمت

المهم خدامتي من اول ماجت فهمتها تبين شي قولي لي انا اجيبه والله مو مقصره معاها من اول الشهر جنه حاسبته تجيني ابي شامبو وصابون وصابون ملابس وعزكم الله غيارات وانا اجيب لها وكل يومين ولا ثلاثه قالت ابي كرت تلفون واجيب لها ماخذ منها فلس والله يمكن بالشهر اقط 20 دينار على مكالمتها لاهلها عقب ماجتني بشهرين وانا قاعده عند حماتي جان تقولي حماتي ياحليلها خدامتج جايتني تقول ابي كرت تلفون من زمان ماكلمت اهلي مدام ماتعطيني كروت انا وجهي قام يعطي الوان والله مو مقصره معاها وانادي خدامتي بشقتي والعن خيرها قلت انا ماجيب لج كروت ؟ خلاص من اليوم ورايح كروتج من معاشج ولا مو لازم تكلمين اهلج حرتني من عقبها ماتطلب مني كروت وانا ادري انها تطر منهم بالطقاق الطيب ماينفع


الصدمة شنو امس ادق عليها ابيها تجي شقتي تنظف الا تلفونها طافي دقيت على خدامة البيت جان تقول يمكن بغرفة الخدم بالسطح وابدل واصعد ولا غرفة الخدم فاضية شوي الا هي جايتني مرتبكه قلت وينج قالت كنت تحت وتلفون مافي شحن سكت بالليل ولا تقولي بنت حماي انهم مطرشينها الفرع تجيب لهم اغراض .. الفرع بعيد عن بيتنا انا احتريت ليش ماطرشوا خدمهم وليش الجلبه تخش عني طبعا ناديتها وزفيتها قالت ماما كبير قالت لي روحي الجمعية للعلم خالتي ماترضا خدامتها حتى يشوفون باب الشارع ليش ترسل خدامتي للجمعية ؟

قلت لزوجي جان يعصب اذا امي مطرشتها خليها تشتغل لامي مو راضي يفهم انا مو قصدي ماتشتغل لامه بالعكس بس مابي الخدامة تتعود على الطلعه

احتريت ليش عصب علي واحتريت من السالفة كلها هذا جزاتي مفهمه خدامتي تخدمهم اوف كرهت حتى الخدامة احس قلبها مو علي الجلبه