محاوراتي مع \ الغسلان وعواد
غلا
تعال يالغسلان خذ لي صوره=عساه تطلع في قنـاة الدانـه
واكتب عليها شاعره مغروره=دعوه على الشعار نطق لسانه
فواز
يازين قيفانن مع الغندوره=تفهم وتضبط صنعته واوزانه
والله يفكن لايجيني جوره=ياويل حالي لابدت نيرانه
غلا
كلآ يقدم للعـرب ميسـوره=مازلت انا التلميذه الكسلانه
وفواز اشوفه يمسح السبوره=والبنت ضده فسرت ذرعانه
فواز
اخاف اصيده صيدة العصفوره=والطير يبلش لافقد جنحانه
وشلون لو نكسر طرف منقوره=تلقاه في وقت الغداء بلشانه
غلا
شعار قبلك مرو الماصـوره=واليوم دورك والعرب بردانه
من مدها لاشافها مكسـوره=يلوم نفسه من قبل شيطانه
فواز
البنت مع قدره ومع دافوره=وعقب الغداء ترضع بعض وغدانه
والقاف عندي حرفه ودستوره=قافن شطوبه في ظهر جدرانه
غلا
الشايب اللي يرفع الباكـوره=ابنصخه لوكنت في ميدانـه
الملعبه تشكي جفى جمهوره=نبغى نتعاون في بني سيسانه
فواز
فزعات جمهوري لنا مشكوره=ولاباس لو تنقل معه عصيانه
اما عنود حروفها مقدوره=لو يفزعون الربع مع جيرانه
غلا
تو ابن غسلان ماشاف شي من العنود=لو عطته القنبله فوق صدره ضمهـا
الزميل المحترم داخل الفـروه ينـود=يوم ناديته رويسه طلـع مـع كمهـا
فواز
ياعنود اليوم ويلك من الذيب الصيود=ومن لقى حاجه على القاع غصبن شمها
لاتحسبيني من القاف يالحلوه شرود=ياعذاب اللي خذا القاف من كف امها
غلا
الهجوم اليوم بسكود يتليه الصمود=يارجالآ لو تجـي مانقلنـا همهـا
ادري انك كل مازدت بالعسره تزود=لاتقرب للحيايـا وتشكـي سمهـا
فواز
القوافي وارثينه على وقت الجدود=ولانهاب من العذارى وخفة دمها
كان شان القاف قافي من بحوره يجود=ولانداري طيب خاله وفرسة عمها
غلا
حكمها متروك للي يشوفون الردود=لاتقـدم كرمتـك للعـرب وتذمهـا
انت مثل الهرش تربط يدينه بالقيود=ثاويآ في حملتك ماقـدرت تزمهـا
فواز
الزمول تشيل الاثقال كله لو تكود=والصوارم لو تصيحين محدن يمها
والقريحه مثل هداج مضرابه سنود=كان بعض الناس لاشاف خيشه خمها
غلا
قلت لك مافيك حيله وانا عندي شهـود=مثل عينن جاريـه ماتناقـص جمهـا
مثل عزم الشاص لاصار باطراف النفود=نسل شيخ من قديـم المراجـل لمهـا
فواز
رتبتك رتبة عميده وحنا لك جنود=ياعنودن كل الامثال قلبك ضمها
بنت ناسن شالت الطيب من عاد وثمود=وراوية نجدن حفر بير وغصبن طمها
غلا شمر
اشوف عواد ضدي واحسب انه معي=كون عصابه تحارب شاعرتكم غـلا
الشاعر اللي يعدونه كما الاصمعـي=وش فيه لاحده الراوي زبن للخـلا
عواد العلي
مدري فهمتي غلط والا خطـا مطبعـي=ماني عدون لحد مـار اقلطـي ياهـلا
سوء التفاهم يجي باسباب نقص الوعي=والراوي استاذي الفاضل وكلـه حـلا
غلا شمر
خلوها
يافيلسوف الفلس لاتطرح وتجمعي=ارتاح ياطالبن جاوب قبل يسئـلا
على قناة الجزيره صرح المدعي=وايضا طلال الشلاقي قالها للمـلا
عواد العلي
خلووها
يا كوندليزا الوزيره للكلام اسمعـي=انتي مجرد زميله والجميع ازمـلاء
هذا الكلام الصحيح وبالصحيح اقنعي=وان كان مايعجبك ماقلت قولي جلاء
غلا شمر
عواد لو هي على كيفه يقول اطلعي=الله يخلي لي السياط وابـو حـلا
الظفر اقصه ولا يبكي عليه اصبعي=تراك بالظبط مثله ياعديـم الـولا
الشاعره
عواد خلك مع ربعك ورد العدو=الغزو فكري على الاسلام هم والعرب
الناقه اللي رغت بالدار عقب البدو=مدري مرضها من الادنين والا جرب
عواد
اقول يالشاعره ريلاكس يعني هدو=انتي تبين النشب والناس تبغى طرب
جتهم هميله مع الاذواد يوم وردو=ما ر احذري والاسد من شاف نابه هرب
الشاعره
علام شعار شمر يوم جيت هجدو=نسو لغاهم ومعناهم وطبع ٍ خرب
عواد ضايع مع الريلاكس.. شمر غدو=ومن يارد العد ياعواد عل وشرب
عواد
هذي ثقافة لغه مسحوب والا حدو=بالانقليزي نبدل تشب يعني شرب
عواد من واجبه ياقف مع اللي بدو=مار البلا الشاعر ه فيها فيوزن ضرب
الشاعره
عواد لاتزعج البزران يوم رقدو=ترى صياحك على الفاضي وموتك قرب
قلي علامك تركت الناس يومن عدو؟=ساعة لفحك السموم ونجم حالك غرب
عواد
يا منتدانا على هالشاعره شددو=عواد لحسابها لاتحسبونه ضرب
هذي رهينه ومطلوبآ عليها فدو=الزير خلا الجحش يشيل حمل القرب
الشاعره
قل للطنايا نجي عجلين كان اعتدو=والفتل ننقض مواويله بشئ ٍ يرب
الناس زعلو على سالم وثم نقدو=والحارث اعطاه مقسومه وشد وكرب
عواد
يا ليل مااطولك يا جمهورنا رددو=انا بحايل وتو الشمس فيها تغرب
سحلية الروض (ربابه ) عليها اشهدو=حنا حطبنا الغضا وانتم حطبكم غرب
---------------------- عواد
مادام ربي كتبلي بالملاعب قبول=نادو لي الشاعره واليوم نبحر سوى
انا من البارحه ودي تقول ونقول=لكن عكس الهوى هبت رياح الهوى
العنود
ياصفوف شمر ترانا مانحب الطبول=شاعركم الفذ بالتخريب شكله نوى
لكن غيمك يابو صالح بشمسي يزول=وقلوب الاجناس مرضانه ولابك دوى
عواد العلـي
يالنا بغه طحتي بيدين فحل الفحول
الذيب لاتقربين الذيب كانه عوى
ماتدري انا لياقلنا نقول ونطول
مدعوم بالواو بس الشعر مافيه وى
العنود
عواد خلك مع الجزلين كب الخبول
وان كان تبغى مطيحي قلت مالك لوى
انا صعيبة منال وتتعب ولاتنول
فك الرموز العصيه وافهم المحتوى
عواد العلـي
من لايعرف العنود يقول عنها بتول
ماتدري اني كشفت السر يوم التوى
اليوم نبغا لنا يابنت عمي حلول
يا مل قلبآ على (دهورته) ماقوى
العنود ال علي
ان كان يوجد فبطنك سر عطنا وقول
لاتمسك الصوت ياعواد كانه دوى
انا اتحدى تقول العلم يابن الاصول
لكنك احترت شفت الفعل والمستوى
عواد العلـي
الله وكبر على اللي زاد فيها الفضول
الفين واثنين ددسن رقم بعده روى 1
العلم مكشوف لكن ماقدرت الوصول
انتي حضورك مع غيابك يساوي سوى
العنود ال علي
المهره اللي تساوت عندكم بالذلول
تسألكم؟انتم من اهل العام والا سوى؟
حكمكم ليه دايم يالطنايا عجول
عنصريين دايم والخفوووق انكوى
-----------------------------
غلا شمر
الشاعر اللي هاقي ٍ بإنتصاره
يقرب وله عندي مكانه وتقدير
ابي اولع بالقوافي شراره
واللي سلم من نارها يطلع بـخير
عوادالعلي
البنت انا جيته وطفيت ناره
النار منتن قدها ياقوارير
انتي مكانك خلف ذيك الستاره
وانا اتقهوى من الدلال المباكير
غلا شمر
ياقل ربحك ياكثير الخساره
تاطا حصى كنك وطيت النواوير
معذور تكره جنس مريم وساره
تمساح طبعك ماتحب الغنادير
عوادالعلي
حنا الذرا لاقيل هجمه وغاره
والا المره عاله نقل حملها الغير
طبع السحالي يفقعن المراره
الله من النمه وكثر المسايير
غلا شمر
ليلك سرى مابين طبله وطاره
هذا زمان ٍ فيه جمع الدنانير
راحوا هل العليا وأهل الاماره
وخلو لنا برزان عند العصافير
عوادالعلي
وانا معك واعطيك مني اشاره
يعني صدقتي وافهم العلم ياطير
دايم الاحظ في قصيدك نعاره
مدري جهل والا توجد مناعير
غلا شمر
عواد وش علمه تغير مساره ؟
ياناس قولو له تراه اخلف السير
حنا انتخوا فينا رجال السطاره
نعطيك علم وندعمه بألف تفسير
عوادالعلي
عواد ماقصده يغير قراره
واظن بنت ابليس من نفسها تغير
الشاعره لازم يعاد اختباره
مادام في راسه جنون وصعاطير
غلا شمر
الشاعره حطت لعواد شاره
وتثبتت شاراتها بالمسامير
وصووه لاينسى مبادي وقاره
اللي ورثها بالسيوف السواطير
----------------------------
غلا شمر
سلامي على اهل الطيب حماية التالي
رجالآ توسع خاطري يوم اقابلها
انا ابغاك ياعواد ياطيب الفالي
تسلم على كتفي وكفي تقبلها
عواد
هلا مرحبا بالغاليه وابنت الغالي
ترى المايله قدمك رجالآ تعدلها
اعلمك بالملعب واربيك بعقالي
انا فاضيآ للناس اربي مهبلها
غلا شمر
على الهون يارجال ماني برجالي
وبعض البنوك احسن لها لو نقفلها
ترى مانته بعمي ولا انته بعد خالي
انا ويش اسوي بالضياغم واعقلها
عواد
يقول المثل ماينفع القيل والقالي
ومن دور النكبات لازم يحصلها
انا اشوف وجهك يابسآ تقل بنقالي
ولك صورتآ قشرا ولله بقابلها
غلا شمر
تريدالمحايل ماتبا الحامي الصالي
ومن ضاقت ثيلبه ليااصبح يبدلها
لكن انت وجهك ياهذا الوجه صومالي
ولكن رح يم المواتر وغسلها
----------------------------
غلا شمر
يوم عواد كالعاده حذفها
جيت ابعيد له نفس الهزيمه
ودي اعطيك ذا الليله خلفها
ثم اقدمك بالملعب وليمه
عواد
يا عمى القلب دورها وشفها
ليه عادة على العاده حليمه
ليتها اتوب قبل العن جدفها
خايف اليوم اسوي به جريمه
غلا شمر
اغفر ذنوبها واقبل اسفها
بنت عمك وتعرفها غشيمه
ماله الا انت لو داسو طرفها
مرخص الروح لاصاحن حريمه
عواد
قابلينن اسفها ونعسفها
عسف تأديب والنيه سليمه
لاتضيع شرفنا مع شرفها
ثم تذبح مثل ذبح البهيمه
غلا شمر
كان عواد دمعاته ذرفها
قلت هذي من ذنوب اليتيمه
دام في صبعه عيونه طرفها
قصته مثل دواس وحكيمه
