مهم!!!

السلام عليكم ورحمة الله وبركاته

شباب قابلت مجموعة من لاعيبة الاهلي من بينهم تيسير الجاسم اتكلمت معاهم وقلتلهم
انتو كلعيبة ماتتمنو تحققو الدوري وتسعدو نفسكم قبل ماتسعدو الجمهور ليش تلعبو ببرود
ومافي روح لو دخل هدف تتحطمو
رد تيسير قالي بالعكس مافي لااعب مايتمنى يحقق بطولات
وقال احنا لعيبة ونحس وننقهر زينا زي غيرنا لكن الجمهور مايفهم الشي دا
لو لااعب غلط سبوه ولعنوه ودعو عليه وسبو اهلو وشتموهم واللاعب لمن يسمع الشي دا
ينقهر ويزعل وممكن انو يخرج عن جو المباراة قال شوف 2011 الجمهور واقف معانا
وكنا نقدم مستويات ممتازة ولكن دحين الجمهور سلبي ينتقد ويسب
قال انا شخصيا ف وسط المباراة سمعت سب وشتم ودعاوي وزعلت خرجت عن جو المبااراة
مني عارف اركز
المفروض احنا كجماهير ندعم اللاعبين والمصيب والمخطا
لحد يقول صعب نتحكم بالجمهور كلو نسوي حملة ف كل منتديات الاهلي وتويتر نسوي هاشتاق
وف الملعب اي احد يسمع شخص يسب او يشتم ينصحو وحبة حبة لين يقل بنسبة كبيرة
بالعقل اللاعب ان اخطا وشتمتو اتحطم لكن ان اخطا وهتفت له حيحس انو في احد معاه ويتحسن


اتمنى نبدا من اليوم نبغى نكون جمهووور راقي