هذي حقايق على الواقع

قصيده على البحر الطويل تقمصت فيها شخصية الشخص الي يتشرهه على صداقة هذا الزمن
الحمدلله ماصار معاي شيء مجرد تقمص ادوار حتى عيد هذا اسم من راسي ..
المهم قصيدة على بحر يقطع النفس واعذورنا على القصور


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا عيد دوك القلم واكتب على الاوراق نثر وشعر = النفس ضاقت على حالي وحال الناس ياضيقها
وان شفت كلمة (صديق) اقفل بها القوسين وابدا السطر = يا عيد هذي بعد جربتها يا عيد ماطيقها
العام كنا مثل قلبين حابسهم ضلوع الصدر = والغصه الي مع الحنجور عيا ينبلع ريقها
سهمٍ يصيب الظهر حدٌه ولا سهم ٍ يصيب النحر = وش عاد باقي بعد زادت جروح القلب تفتيقها
لا والله ألا زمان ٍ صار فيه الوجه مثل الظهر = مايستحي راعي الكذبه من الكذبه وتنسيقها
يالي تحسب المراجل كلها فحساب طول الشعر = ماهي بتصعب على موس الحلاقه وقت تحليقها
المرجله ياطويل العمر قول وفعل بين البشر = يصعب على اهل الردا والكذب واهل الزور تحقيقها
هذي حقايق على الواقع وفيها كم دروس وعبر = ياكم وكم سالفه يصعب على العٌقال تصديقها
يالله ياربنا المعبود ياكافل نزول المطر = تصلح لنا حالنا واحوالنا قدام تفريقها[/poem]

يالي تحسب المراجل كلهـا فحسـاب طـول الشعـر=ماهي بتصعب على مـوس الحلاقـه وقـت تحليقهـا

قصيدة متماسكة من اولها الى آخرها


صح لسانك بلا حد

جزلة ومن جزل

،

،

،

الله الله

الشاعر والغالي علي قلبي : هاوي قصيد
لاهنت وبيض الله وجهك ويعطيك العافيه

مبدع مبدع في كل حالاتك

صح لسااااااااااااااانك

( والحمد لله على السلامه فقدناك ).



دمت بخير


محمد بن نايف

عبدالهادي الجهني

صح بدنك بلا حدد شرفني والله مرورك الي يشرفني دائماا وابداا يالجزل

الاخ الغالي والحبيب محمد العتيبي

الله يسلمك مثل منت خابر الظروف

الابدااع وجودك المشرف دائما وابداا وصح بدنك ولو اني نادم على القصيده انا مايقنعني شيء ههههههه لاهنت على كل حال