انتبه لاتوقع كما وقعتي
اخواني المشرفين والاعضاء والزوار
بمنتدانا الغالي
السلام عليكم ورحمة الله وبركاته
يااخوان نحن في شهر فضيل
وفي العشر الاواخر لاكن مانقول الا حسبنا الله ونعم الوكيل على الناس الي تغش وتاكل في بطونها الحرام دون تمييز بين الاشهر
الادارة مشكورة ادرجت ساحات لبيع كل صنف على حدة
وكل شي وله سعره عنداهله
الاخ الفاضل
سويد هاوي الله يجعل له من اسمه نصيب
عرض عرض 41 حرية بفحلها واسنانها
محددها من الجذعة للسدس فقط
الشاهد رست البيعة علي وسالته الغنم حريه ولاً مهجنًه قال لاوالله حرية بس 2اذانيها قصار
وارسلها لي ووصلت الساعة 2الفجر والمراح ظلام استلم العامل 41 بالفحل ونا كنت موجودبالمراح ولاكن من الثقة في الرجال ماتفقدت الغنم لاني سالته عن نوعها الصباح اتفاجا ان 4من الغنم هجين رفدولاهناك مشكلة ولا كن عدد(23)من الغنم تامه (و4 من شق واحد ) اتصلت على الرجال وتجاوب معي بي اسلوب راقي جدا والله مااعرف للهجين والي تامرفيه انا حاضر 0قلت البيعة ماتصلح لي ولاكن انا برد الغنم وحق الحمولة في الاياب ايضا علي لاتتحمل شي قال ابشر بس والله انا اخذت بيعة متابيع وصرفت الفلوس واخذتها غالية لاكن ابيعها وابشر اعطيك حقك مقابل هذالاسلوب قلت اجل لاتبيع غنمك لاكن السعر الي خذيت به الغنم ماهو منصف(23تامه)ونا شراي على سدس اكبرشي
لاكن بدل ماتبيع الغنم المتابيع خلها عندك ونا بخصم من كل راس 50ريال قال تم ولاكن اناماعندي المبلغ انتظرني يوم 20لانزل الراتب احولك قلناتم يوم 20 ارسلت للاخ رسالة بان الراتب نزل وابغي المبلغ لكي احول سعي المنتدى
تفاجات برسالة من الاخ مستشاط غضبا والرسالة موجودة مفادها انت رجال الظاهر العلم الطيب مايمشي معك الا سود الله وجهك انت ثم عرضت اغنمي علشان اردحقك بس الظاهرانك ماتستاهل الطيب قلتله جزاك الله وانا سودالله وجهي ونت بيض الله وجهك لاكن الي عندك عندك وانا اطلب الله عوض واسال الله ان يجعلك تصرف ماخذيته مني علاج على نفسك واضعافه ولاني متلحق اهلك بالدعوة لانه مالهم ذنب سبق اني دعيتلك قدام ماحل احرامي ولاكن الان
اخذ الله واشتري بقروشي حسناتك ولن ابيحك الى يوم القيامه وادعي في بيت الله والحرم مني قريب ............ فااحذرو ياخوان الموضوع الي عليه الاشكالية موجود ولن ابيحه الى قيام الساعة ولاكان المشرفين في المنتدا بيطردوني مااعتقد ان كلمة الحق تزعل وليس هذا ديدنهم ولاكن يجب ان تقال كلمة الحق بالموقع لان الرسول صلى الله عليه وسلم قال للصحابة(دعوه فإن لصاحب الحق مقالا)وسوف اقوم بتسديدقيمة السعي الليلة ان شاء الله 42025في 1:5في المية=631ريال والحمد لله رب العالمين واسال الله ان يكرمني مع العلم انه تم عزل وحده من الغنم لاشتباه اصابتها بالجدري
المصدر:
منـتـديات أغـــنـام - من قسم:
ساحة بيع وشراء الضأن الحري 