نقطة البداية ..
شخصيات أخذت من الواقع لتمثل دراما الحقيقة !!
،
،
المدينة : الرياض
المكان : طريق الملك عبدالله
الساعة : تشير إلى الواحدة بعد منتصف الليل
،
،
عبدالله + تركي + فيصل
شباب آخر حلااااوة ..
متعلمين ، مثقفين وعلى قدر كافي من التحضر المسنون ..
،
،
( اللهم اهدينا في من هديت ،، وعافينا في من عافيت ) << جوال عبدالله يدق وحاط هذي نغمته
عبدالله : ألووو
المتصل : السلام عليكم
عبدالله : عليكم السلام
المتصل : أخبارك ؟
عبدالله : الحمدلله بخير وعافية
المتصل : وينك فيه ؟
عبدالله : والله انا طالع مع الشباب
المتصل : حسااااافة كنت أبيك في موضوع
عبدالله : وش السالفة ؟
المتصل : مقدر اقولك الحين .. لازم تكون لحالك
عبدالله : خلاص لما ارجع للبيت اتصل عليك
المتصل : اوكي .. لاتنسا تراي احتريك
عبدالله : اوكي .. مع السلامة
،
،
فيصل : عبدالله !! عسى ماشر ؟ - طبعا بحكم الميانة اللي بينهم -
عبدالله : لا ان شاء الله مامن شر هذا خالد ولد عمّي
فيصل : بالله ؟ وش اخباره ؟
عبدالله : الحمدلله طيب ويقول سلمني على الشباب سلامن الى قبل
فيصل + تركي : الله يسلمك ويّاه
تركي : الاّ على طاري خالد وينه لنا اسبوع ماشفناه مهيب عادة يقطعنا
عبدالله : أبد لاهي مع ...... !! - سكت -
ألا ترانا ماتعشينا وين تبون ناكل
تركي : اللي تبون
فيصل : خلوها ماكدونالدز
الباقين : اوكي
،
،
ترررررن - تررررررن - تررررررن
خالد : هلا ابوعابد وينك ابطيت ؟
عبدالله : ابد والله طلعة مع الشباب وانت خابر
خالد : المهم انا متصل عليك ببلغك ترانا قدمنا عرس اختي ريما يومين
عبدالله : ليه سلامات ؟
خالد : ابد سلامة قلبك ,, ابو نسب مالقا حجز لماليزيا اللي في هالوقت
عبدالله : ميخالف والله يكتب اللي فيه الصالح
خالد : آمين
ألا تعال عساك ماقلت للشباب ؟
عبدالله : وانت صاحي اقولهم ؟ تبي الناس تتشمت فينا !!
خالد : ايه اشوا ياشيخ ريحتني الله يريح بالك
عبدالله : وش ظنك يارجال مهوب من سلمنا انّا نعزم على عروس بناتنا
خالد : ياشيخ اقص راسي ولا أتجرا اعزم احد على عرست اختي
عبدالله : الموت ولا ذل المحارم
خالد : انا اشهد
عبدالله : يالله توصي شي ؟ بروح اصلّي الفجر وانام
خالد : ابد سلامتك .. وتقبل الله
عبدالله : فمان الله
،
،
قصة لم تنسج من الخيال
بل هي واقع يعيشه العديد من ابناء المجتمع السعودي
وهذا ديدنهم المزعوم ( لاتعزم على عرس بنت )
،
،
نقطة النهاية :
آرائكم حول ماحدث في هذه العجالة الواقعة .
