مرت حماي وعوابتها

مرحبا بنات شششششلونكم
انا مشكلتي بأهل زوجي وبالأخص مرت حماي اللي اكبر مني ب9 سنوات المشكلة بدت مع بداية زواجي انا عروس حالي حال اي ]بنت البس واكشخ وطبيعتي حيل اجتماعية ونظام اسوي قهاوي لخالتي وافنتك من شموع وحركات وحلا من حريم اللي اقدر عليه ماقصر فيه...

اللي حصل ف البداية مرت حماي هذي حاولت تقرب مني وكنت اشوفها تهبل وطيبة وعادي اسولف معاها واضحك ودارت الايام صار سوء خلاف بيني وبين اخت زوجي على مسج بالواتساب دازته لكل القائمة اللي فيها ابوي واخواني وعمامي بعد وهم دازته لزوجي ودشت حماتي وغلطت فيني وماقصروا بناتها شرشحوني وانا رديت بس من الصدمة كنت اقول ليش شصاير … حقرت حماتي ومكملة ع الحقران مثل ماهي وبناتها حاقريني مجرد سلام … الطامة الكبرى اكتشفت انه مرت حماي السوسة هي اللي مخربة صورتي عند حماتي ومشيشتها شلون عرفت طاح تلفونها بيدي بحكم الكفرات مثل بعض هي خذت فوني وصعدت ماكانت تدري وانا خذيت فونها بالغلط ودشيت داري ولما بحطه ع الشحن اكتشفت انه موجهازي واكتشفت انه بدون رقم سري لان تنحت بالجهاز ماستوعبت بعدين قلت خل افتش تلفونها كان قلبي قارصني منها سبحان الله فتحته الواتساب ولقيت كل محادثاتها مع خواتها وحماتي وحريم حمواني عني تشويه صوره ونفاق وكلام وطنازه وتلفيق تهم اني سويت وقلت وانا والله بريئه والحبايب ع شاكلتها سب فيني ومستانسين ع الحش مع اني والله ماضريت احد منهم الله فوقي شاهد … سكت وطق الباب ولدها رجع فوني قال امي ماخذه تلفونج بالغلط رديته لها ومن عقبها تحاشيتها وماعطيها وجه وهي تتعمد تستفزني والكل عندهم هي واو مع العلم هي حيل نقاله حجي واول زواجي الكل قالي ولسانها وايد طويل … قبل فترة دشت علي واتساب وقطت حجي يعني ضحك وانا قلتلها احترمي نفسج موجذي الضحك الا انفجرت بوجهي كلام وغلط علي وانا ماقصرت شرشحتها بعد يومين من السالفة عطتني بلوك وتشوفني ماتسلم علي وتقط علي حجي قولولي شنو تنصحوني هذي شخصية مزعجة بالتعامل واشوف بعيونها الكره لي وكلنا حريم واحساسنا مايخيب شرايكم بنات واتمنى الردود تكون بدون غلط حبايبي