خسارتي 9% ، التعويض ممكن بإذن الله ثم بمشورتكم الكريمة ، لا تبخلوا

السلام عليكم و رمضان كريم علينا و عليكم ..

يا إخوان أخذت سهم في العشرينات بتوصية شخص ثقة و سبق و وصى و توصياته عطت %%% قبل 5 أسابيع ، يوم بس و يضرب ذاك التصحيح المؤلم . و السهم حتى مع الارتداد و ارتفاع المؤشر الآن يواصل النزول و مو جاي يتنحنح أبد . أنا محتاج الفلوس و مضطر أبيع بخسارة . التعويض ممكن بس نبي مشورتكم ، لأن زي ما تشوفون السوق يعطي نسب ، يعني عادي أبيع سهمي مع الافتتاح و آخذ سهم ثاني مع الافتتاح و يرتفع حول النسبة زي ما صار هالاسبوع في عدة أسهم ، ما أقصد شرط نفس اليوم نسبة بس أهم شي يعوضنا خلال أيام قليلة لأن الخسارة أقل من 10% ، يعني ممكن جداً .

فأطمع بمشورتكم خاصة الإخوة المحللين أهل الثقة و اللي هم عمود هالمنتدى ، و لا أقلل من شأن أحد فلكل مجتهد نصيب و الله يجزي كل من أراد للناس الخير بخير و أكثر ، لكن فيه من الإخوة من لهم باع طويل و توصيات مضاربية يومية بالمملليمتر يا حبيبي بالملليمتر :) .

عادي على الخاص :) و الله يرزقنا و إياكم من واسع فضله .. و قبل كذا اللي عنده معلومة عن السهم يفيدنا جزاكم الله خير

تحياتي