السلام عليكم ، يا اهل الخبرة افزعوا لنا بمعرفتكم الله يتقبل منكم
اغنام - ابل - دواجن - طيور
السلام عليكم و رحمة الله و بركاتة
الله يجعلنا و اياكم من المقبولين في هذا الشهر ، يا اخوان انا عندي نعجة طيبة جدا و غالية علي وهي من اطيب حلالي ، وقبل اربع ايام دق علي العامل يقول النعجة تعرج من يدها ، المهم رحت للشبك ولقيتها تعرج عرجة قويه ، شيكت على يدها بالضغط من اسفل الى اعلى ابي اشوف هي تتالم من شي وجدتها ما تتالم وقمت اناظر ابي اشوف فيها تورم ما وجدت تورم قلبت بين اظلافها ما وجدت شي ، مع ان اكلها و شربها طيب ولا فيها خلاف الحمد الله ، والحين صارت تاكل على ركبها ، المهم رحت لبيطري اعرفه وعطاني علاج اعصاب وقالي جربه وهذا رابع يوم ومازالت تعرج والمشكلة ما خفت العرجة وشكلها سليم الا من العرجة هذي ، ارجوا منكم يا اخوان الي مرت عليه هالحالة ولا الي يعرف لها علاج يعلمني الله يكتب اجرنا و اجركم مشكورين
hgsghl ugd;l K dh hig hgofvm ht.u,h gkh fluvtj;l hggi djrfg lk;l
