اصلح النّيه ترى النّيه مطيه
لايغرك صاحب القلب الحسود
التفاؤل يجعل ايامك هنيه
ويهدي انفاسك من الدنيا ورود
وبعضهم ياللاسف نفسه رديه
ناكر المعروف باخلاقه جحود
والمحبه ساقها رب البريه
لايجي في بعض احساسك برود
بادله مادام لك نفسٍ رضيه
وارسل الاشواق لاشواقه وفود
الغلا عنوان لحروف الوصيه
والمشاعر سيلها ماله حدود
واجعل الاثبات للحجه قويه
دام قلبك للغلا جاب الشهود
وصاحب اللي داخله نفسٍ نقيه
بالمراجل واقع افعاله حشود
في زمان اليوم ماخان بخويه
حافظ في دنيته كل العهود
والجروح بغيبة الغالي نديه
وعسى الافراح بأيامه تعود
والعرب قالو ترى النّيه مطيه
عش حياتك لاتجي درب الحسود
