الشاعر سالم الفراع / الموت مايرحم شباب ومسنين

السلام عليكم ورحمة الله وبركاتة
أقدم لكم اليوم قصيده للمبدع والأكثر من رائع
الشاعر المحبوب لدى الجميع شاعرنا المميز
(( سالم الفراع ))
أتمنى أن تنال إعجابكم كما نالت إعجاب كل من قرأها وأنا أولهم :)

الموت مايرحم شباب ومسنّين
مات الرسول ومات كل الصّحابه

العمر فاني وأكثر الناس سالين
سالين بين الغشمره والدعابه

أحدٍ على تويتر على الزّين والشّين
وأحدٍ على الواتس آب مأحدٍ درابه

وأحدٍ على الببي أصحابه الفين
يملك غرف للدردشه والكتابه

مابين نسخ ولصق يرسل عناوين
لين الجهل والغي ضيّع شبابه

وأحدٍ مشى فالبرامج على الزين
يرسل رسايل دين والخير جابه

نصيحتي قدمتها للفهيمين
قدمتها والعبد يعرف صوابه

مايحس بالرّاحه ياغير المصلين
يامسلمين الله خافوا عذابه

خلوا مماشيكم على الخير والدين
قبل القبر ينسف عليكم ترابه


وأتمنى منكم عدم البخل علي بردودكم الحلوه اللي تشرح الصدر ، وشكراً لكم ..
أختكم / مزاجـــيه ..


المصدر : جريدة الوطن ، ملتقى الشعراء