المشاركة الأصلية كتبت بواسطة عبدالله الزومان
قصيدة بعنوان الوافي ضمن قصائد ديواني الثالث روض المثايل
[poem=font="Simplified Arabic,5,darkblue,bold,normal" bkcolor="transparent" bkimage="backgrounds/6.gif" border="solid,4,gray" type=2 line=0 align=center use=ex num="0,black"]
أبسري بليل النغم ..بأوتار جرحٍ غافي= وأبثني جفون الرقاد ..ووقدتي شعّاله
أبجبر المسرى يروف.. بليل هالقـوافي= وأبسرج حصان القوافي وأتركه بلحـاله
وأنا أدري إنه لو يروح ولو يقـفّي لافي= هذا حصانٍ عاسفه ومطوّعه خيّـاله
أبنظم عقود القوافي وأنتخي ..بسنافي= ما خان بي ليلة زفاف القاف في ترحـاله
جاني بمنام الليل طيفٍ قال لي يالـوافي= إقعد .. معاي وصايةٍ حملتها برساله
قلت أيّ وافي ..ما أخبر منهو تسمّى وافي= ما غير شيخٍ بالرياض أنا أشهد إنه نـاله
شيخٍ على بابه تشوف إن الكرم وقّافي= ما خانت الفزعه ولا النخوه لمنهو جـاله
قال أنت وافي في غلاك.. بها الزمان الجافي= قلبك يطيب أكثر من اللازم ..ولا أدري مـاله
جيتك وأنا مرسول عَجلٍ طالبين إنكافي= من صوب صوتٍ في ضميرك نبرته جـوّاله
الوقت متغيّر ودور اليوم قل ..يا كافي= أقرب قريبٍ لك يبيعك لأجل خاطر مـاله
راح بهل الشيمة وصحبة الأشرافي= راحوا رجالٍ للحمول المِعجزة شيّاله
الصدق مات وجثته يذرى عليها السافي= والطيب عِيّر به هله ..يا كبرها من قـاله
أحسن تموت أهل المراجل والثياب نظافي= ولا كلمةٍ قاله خسيسٍ ما حَسب لهبـاله
ولو رحت أجمّع مفردات ولهجة العرّافي= لو صدقوا ما يصدقون ولو تدقق بالنظر حيّاله
ولو رحت أعوّد في خطاوي مشيتي لخلافي= لقيت سيرة شايبٍ ما شحّ في حـلاله
خذنّه أيام الدهر يمّ البعيد الخافي= سافر ولا خبّر بساعة سفرته لعيـاله
عقّل ذلوله في مكانٍ بارزٍ ينشافي= وأوصى عليهم من يدين المحسنين أمثـاله
بيديه عطّر سيرته في عطر ما ينعافي= وبيديه لبس التاج فخر وعزّةٍ بأفعـاله
قاله ضميرٍ من هموم الوقت كدر الصافي= لا تؤاخذوني ..فلسفة هذا الزمن قتّـاله[/poem]
