لاتحدعون انفسكم الاهلي ماراح ينافس على الدوري

لاتخدعون انفسكم ولاتتوهمون بتحقيق الدوري كل شي واضح امامكم والفشل والتخبط مازال مستمر كفاية تطبيل هذي ادارة ماعندها اي طموح لتحقيق الدوري ولاحتى المنافسة علية ولاتعلمت من اخطاء الماضي اي شي يذكر . ليش نسكت ونجامل ونطبل على حساب الاهلي 33 سنة واحنا بدون دوري المفروض لو هذي الادارة عاملة اي حساب لجمهورها كان عملت المستحيل هذا الموسم علشانة وكان تعاقد مع اكبر المحترفين لو يكلفها اللي يكلفها كلة على شان تراضي جمهورها الوفي وتصالحة على فشيلة نهائي كاس الملك وعلى ال33 سنة اللي نشجع فيها بدون دوري مو تتريق علينا بالتعاقد مع المقهوي احتياطي الفتح والمؤشر لاعب الوحدة والسومة لاعب في الدوري الكويتي ولا الكبير جايبينة من نادي مغمور في دوري ضعيف لا و يستخفون فينا ويرجعون بالمينيو ايش الفايدة منة ايش حيضيف للفريق ينبرش ويتزحلق وفوق هذا مازال المعيوف الفاشل هو الحارس شي غريب فعلا انسان اثبت فشلة وانة كارثة ولايعتمد علية ومازال هو الحارس الاساسي للفريق . طبعا هذا كلة غير المعسكر والاعداد السئ للموسم وماخفي كان أعظم . عموما ننتظر موسم جديد من النكد وحرقة الاعصاب والتطبل والاعذار وكل سنة وانت طيب ياأهلي .
سؤال هل قامت ادارة الفريق هذا الموسم بأي عمل يبعث الامل لنا كجمهور بالمنافسة على الدوري . وهل هذي الادارة تشوف وتتابع تعاقدات واستعدادات الفرق المنافسة صراحة مااعتقد ابدا.