عذر رئيس الهلال اسطوانه مشروخه.

في عكاظ اصبحنا على تصريح لرئيس الهلال مقتضب وكله سطرين :
يقول الخبر ( استغرب رئيس نادي الهلال الأمير عبدالرحمن بن مساعد مطالبة
البعض بالتعاقد مع ظهير أيمن محلي بالرغم من وجود الشهراني والبيشي والبريك
وقال: «هل هناك ظهير أيمن محلي متاح للتعاقد أفضل مما لدينا».)
..
لا تستغرب طال عمرك ..
الموسم على الابواب وحنا خبلان
لازلنا نفكر بلاعبين محليين وترقيعات للفريق.


اصلا ما يجوز لرئيس نادي انه يفكر بالتعاقد مع
لاعب محلي مهوب معروض للبيع..

لان طال عمرك اللاعبين المميزين كل يوم تلقاهم قوائم والانديه تقول
تكفون يا هلال تعالوا شيلوا.

ترى سواريز طال عمرك كان فائض على لاعبين احسن منه
في ليفربول وعشان كذا الريال لقطه بسرعه وما حد درى.

عمركم سمعتم عن نجم كبير على قائمة الانتقال الا اذا حدث
مشاكل بينه وبين ناديه مثل الشمراني.

هل تظن يا سمو الامير ان لاعبين مميزين ومبسوطين في انديتهم بيجون
يحبون خشوم بني هلال ويقولون اقبلونا عندكم ومستعدين نخفض بالسعر؟

انت اصلا ما فاوضت ولا نادي عن لاعبين احسن من اللي عندك..
ومنتظر اللاعبين اللي احسن من اللي عندك ينحطون على قائمة الانتظار .

ولذاك اليوم الله يعوض علينا . ويصبرنا على نظرياتك طال عمرك.

لانه طال عمرك مستحيل نادي يحط لاعب احسن من اللي عندك للانتقال.

الا اذا رحت للاعب والنادي وسيلت لعابهم مثل ماسال لعاب ليفربول الين باع سواريز.
ومثل ماسال لعاب يونايتد الين باع رونالدو.. غير كذا ما بتلاقي لبى قلبك.

يوم قريت تصريحك طال عمرك تذكرت تصريحك اول ما مسكت الرئاسه وانت
تقول سنصنع هلالا لا يقهر. ومن ذاك اليوم وحنا ننتظر وعدك.

وعلى قولة مطرب خليجي ( سيدي سليمان .. واعدني سمل ثوبه .. افنيت ثوبين وانا في رجا ثوبه)

واعذرني طال عمرك .. داااا من عشمي