صدى عرافات

[poem=font="Simplified Arabic,5,skyblue,bold,normal" bkcolor="green" bkimage="" border="none,4,gray" type=2 line=0 align=center use=ex num="0,black"]
هذه= قصبدتي :-
لاواهني من هو صعد في عرفات=مع الجموع المحرمه يذكر الله
لاعبد لاحرٍ ولابه نعارات=ترهق وجيه الكل خشيه وذلّه
مابه رفث مابه فسوق وزلات=متذكرٍ يوم البعث في محله
والشمس تدنوا من الخلايق مسافات=يتذكرالسبعه وهم تحت ظله
ويندم على التفريط ويزج عبرات=والدمع يسكب فوق الاحرام هله
شعثٍ غبر من كل فج ومدارات= حجاج بيتك بالدعا مستهله
يارب اقبلهم واقبل دعاوات=جولك يارب العرش والكون كله
جولك يارب الارض رب السموات=اغفرلهم كل الخطا وكل زله
حجاج بيتك ردهم بالسلامات=لاولادهم لديارهم إنشا الله
====
قال الشاعر =خيالي معارضا:-

شعراً كتبته يابن فراج بالـذات=خلا كثر الذنب غصبـاً يشلـه
قضّا حياته بين نزوه ونـزوات=يبغا يتوب ولا لقـا مـن يدلـه
نفسه تسوقه للغوى والشهاوات=وابليس حادي واقفٍ ينتظرلـه
لا نوم يهناله ولا من مسـرات=يخاف من موتن يجي بغتتن له
يومن يراجع فيه كل الحسابـات=ويشوف ما سواه دقـه وجّلـه
يندم على ذنبه ويبكيه حسـرات=في وسط قبراً ملتهب كنه ملـه
يا نفس توبي وارجعي للعبادات=ما دام ربي ممهلك تحـت ظلـه
صلي قبل لا تقام فوقك صلوات=ناسن توسدك القبر ثـم تهلـه
يالله عدد من حج لك في عرفات=تجلي ذنوب القلب والفين علـه
=======
قلت =:-

لبا خيالي يوم عرض مخيلات=سحابةٍ وسط السحايب مهله
لبا العروض الي زهت وسط الابيات=ماهي طروق مكرراتٍ ممله
هزت عروش القلب مره ومرات=وستوطنت داخل حشاي وتتله
انا موريها الصمرقع وحزات=توريني نجومٍ بالضحى مستخله
النفس يازبن القوافي مطبات=ماتستوي لي ياوزيني ممله
مرٍ اطاوعها علىالريح عجلات=قد يعتريني ضعف واكون خله
والعن ثواها لاتمادت بأهآت=اكبت جموحٍ حبالها ما أحله
واليوم عديت اكثر العمرسجات=اخاف رب وارتجي رحة الله
خيالي ان حلت علينا مصيبات=يفرجها ربك كلنا تحت ظله
======
قال الشاعر =خيالي معارضا:-

ماهي علينا يا الدواسـر صعيبـات=طرق البحـور وغبّتـن مضمحلـه
من فضل ربي يبن عمي سهـالات=بدع القوافـي وكـل بيتـن نفلـه
وقت الشدايد والامـور العسيـرات=ما خاب منهو ذاخرك محزمـن لـه
والشعر ما يخفاك نـاس ومقامـات=احداً رقا له فوق واحداً طمـن لـه
احـدن تعـلا قمتـه بارتفـعـات=واحدن تعثر فـالخطى ما حصل له
امـا يـوّرد شاعـره للمتـاهـات=ويتوّه اللـي عاشقـه ثـم يظلـه
ولا زمابه فـوق بابيـات جـزلات=كنها شموخ الشايـب اللـي نجّلـه
في مجلس الشيخان واهل الصقيلات=لا عّدها كلن سكـت منصتـن لـه
فيها الحكمّ فيها الدروس القديمـات=للي وحاها وكل بيتـن فطـن لـه
حي القصيده والمعانـي الا جـات=تبـرد كبـود وكـل عرقـن تبلـه
وا خير منها كتاب ربـي والآيـات=تخشع لها نفـس الفتـى مستذلـه
والعاجز اللي مـا لقالـه مـداوات=محدن عرف له طب ولاحدن قدرله
لو ضاقت الدنيا وكبّـر المساحـات=يلقا بها من فضل ربـي دواءٍ لـه
اسئلك يـاربّ وعليـك الأجابـات=من له بعد رحماك يالله مـن لـه؟
انت الرحيـم وعالمـن بالخفيـات=في صدر منهو يرتجيـك اتغفرلـه
واختامهـا ياخـوك منـي تحيـات=تاصل جنابـك عانيـه تعتـذر لـه
لو طال شعري كل مابـه زيـادات=ولا انت شعرك وافيٍاً موفيـن لـه
والله لو ان الشعر صوت وشهادات=كلن شهد وانا بعـد شاهـدن لـه
صلاه ربي عّد ما فـي المحيطـات=على النبـي الهـادي لخيـر ملـه[/poem]

اللهم وصلى وسلم عليه

هذي القصيده المفروض يوزعونها على شكل نشرات لوزارة الحج والاوقاف المقطع الي يخص عرفات .. مشاء الله تبارك الله أبدعت ونعم فيك وفي ربعك والحاضرين كلهم

صح لساانك يابن فراج واعتلا شانك

اللهم صلِّ وسلم على أشرف الخلق ..

صوت كتبته لنا قبل أيام

وهاهو صداه يصدح هنا بكل روعة

صح لسانك ولسان الشاعر ( خيالي )

ابن فراج

صح لسانك

مدد

ولا هنت

دمت بخير

اللهم صلِّ وسلم على محمد


صح قلبك وكلك


وسلمت اناملك

تحيتي لك

صح لسانك ...................

صح لسانك يا أبو فراج

صوت رااائع وصدى جميل

بانتظار جديدك

لك أطيب تحية

http://www.moveed.com/data/media/10/...ainment-02.gif


كل عام وانت بخير

وصح لسانك لرضاك

أخوك

أبوتركي