حلينا مشكلة الحيضان ......أقلطو
السلام عليكم ورحمة الله وبركاته
أخوانى عندى حل للمعالف تعالو نشوف
.
.
.
ملاحظه:
الحيضان هي جمع حوض يعني معلف
(بعدك واقف أنزل تحت)
.
المعلف يتكون من خشب الصندل + سيم +مسامير ومطرقه +شبك البوش الى هو السبم بو المسامير +
طابوق + سمنت + رمل اسود خاص للسمنت .....
.
.
.
ما تعبتو من الراعى كل يوم يردد ؟؟؟؟
أرباب حوض كسر لزم جيب واحد جديد وانا اقول حاضر يا (سليم)
أرباب حوض يطيح فوق واحد شيكو موت (لاحول ولا قوه الا بالله) ,(الشيكو الى هو الحمل)
أرباب حديد مال حوض تحت هذا يجي كسر ودى مال لحام يجي مزبوط (يجي كسر يقصد ساق الحوض)
أرباب حديد هذا ما في فايد يجي خرب سرعه سرعه ( والله انت الخراب براسك ) (يقصد الصدى او الحلاء)
عاد دقت في نفوخى الى اسير السعوديه واجيب احواض للموى الى هي الكفرات -- التواير
(هاه سليم زين هذا حوض)
أرباب هذا ما يمشي مال ماى , ماى كلو براء (حسبي الله ونعم ألوكيل)
قلتله طيب خلو حيضان الماء معالف للفت وغيره ؟؟ أرباب هذا ما يمشي هذا صغير
طيب طلاباتك يا سيد (سليم) أنا يريد حوض مال حديد هذا زين
وانا في بالي اقول راح ترجع حليمه والحيضان ذا مكسر وهذا لحام ؟؟؟
قلت ماعندى حل غير ارجع واشتري الحيضان الى يبغيها
وفى يوم من الايام !!!!!
وانا جالس على النت في youtope قلت يا ولد خلني اشوف أغنام الانجليز كيف المعالف عندهم
وتحط عيني بمعالف كويسه تكفي لكميات كبيره (فكرت شوى قلت نحن ما عندنا غنم عندنا سكن من توصل الشبك والدنيا مثوره غبار
هجيج تقول ما يعرفن بشر ( أو هــن يفتعلن هذا الشي على اساس شوفنا نحن مثل الصيد
( خخخ)
المهم فكره وش الحل (والحلا عند فكاك لنشاب رب العالمين) سخرلى الفكره وطبقتها له الحمدوالشكر.
ما ابغي اطول عليكم
أخوكم (صالح) صلح المعالف او اخترع المهم سموهن معالف صالح خخخخخ
المعلف ثابته
مميزاتها (فكتني من صجت سليم)
1- عامل واحد يقدر يضحي او يعشي 500 راس في ساعه او اقل
2- توفر جهد ووقت للعامل
3-شبوك الحلال الداخليه نضيفه ما فيها غير الدمنه الى هي السماد صافي
4- تفتك من شراء الحيضان 7_7
5- يعطي منظر حلو للعزبه يفتح النفس مع ريحة الحلال خخخخ
الشغله سهله يا شباب
أهم شي تكون عندك مساحه في العزبه وترتب على راحتك والعزيمه مهمه
المعلف هذا للحشيش والقت والشعير وكلو على بعضه حلو أما المساقي غير ومتعارف عليها
الدبب الزرق تنقص وتصير مساقي وهذى زينه لأنها تكون بارده
ما ابغي اطول عليكم هذى الصور
من الصور راح تعرف كيف الطريقه سهله
