ادب يللي تقول القاف

ياللي تقول القاف لا تحسبنّي
ناس السنين اللي عليّ محسوبه
أعرف حساب إسنيني اللي مضنّي
وأرجو ثواب الرب وأخشى العقوبه
وسنّك تراه مقاربٍ حول سنّي
وشبيك على العارض غدا له شبوبه
هذا الكبر يقرب وصلك ووصلنّي
وعما قريب يصير شلك اعجوبه
اسمع واشوف في مقامك تونّي
راح الشباب اللي زها لك بثوبه
وكانك على الماضي شفوق وتحنّي
اللي مضى دار الرياح بهبوبه
وقتٍ مضى محسوب منّك ومنّي
وعسى العوض يحصل قبولٍ وتوبه
وجعل الذنوب اللي مضت يغفرنّي
وليت الجهل والغي تستر عيوبه
لكن ليامن النجوم أدبحني
وكلٍ تريّح في فراش محبوبه
خل العيون لربهن يسهرنّي
ترى العمر يمشي ومقبل غروبه