اصنع استوديوك الخـاص .. ( تجاربي في التصوير )
بسم الله الرحمن الرحيم
السلام عليكم ورحمة الله وبركاتة ...
كيف حالكم وش اخباركم ؟
اعذروني عن الانقطاع تعرفون الواحد مع تغير الاجواء ينحاس شوووي ،، والله يبعد عنكم الامراض :)
اليوم جايب لكم طريقة حلوة في التصوير ،، الفكرة شفتها في موضوع في احد المنتديات واعجبتني طريقة التصوير فيها ،، حلووووة ،،، وزينة انك تجرب وتتعلم وتستفيد من النتائج
طبعاً انا الى الان مابعد وصلت الى النتائج لكن ابعرض لكم بعض الصور ،، ادري بعضها فيها اخطأ وبعضها بايخة ،، بس الواحد يتعلم وانا ترى ماجيت من بطن امي الله يخليها لي اعرف اصور :grins:
اهم شيء في التصوير هذا تكون رايق .... <-- اهم نقطة ترى
مميزاتها :
1) تعطيك خلفية حلوة للشكل المصور
2) تنمي قدراتك التصويرية والفنية
3) اذا نجح تصويرك تحس انك خطير مثلي :10111:
اسم التصوير هذا : تصوير اعلاني <-- انا اللي مسمية :)
المواد اللي تحتاجها :
1) لمبة
2) فلين عدد : 2
3) يفضل ان يكون لديك حامل كاميرة :rollegyes:
4) مشرط <-- عاد هذا انا اسمية مدري وش تسمونه ،، عشان تقصقصون الفلين :grins:
هذي صورة المعمل حقي ...
http://www.i22i.net/uploads/fab600616a.jpg
طبعاً مهب شرط انك تسوي مثل الشكل حقي لانة محيوس بالحيل <--- دليل اني منب بنت ،، لو انها بنت تسان تشوف الفلين ازين من الغرفه حقتها من الترتيب :grins:
عيوبها :
1) خساير :grins: <--- لي اسبوعين وانا مصادق حقين ابو ريالين اجرب واحوس :10111:
2) يمكن اول تجربة لك تحطمك بس لا تتحطم :hgf:
3) ودي اتفلسف عليكم بس خلاص انتهت عيوبها
تحذيرات مهمه جداً جداً :
1) اذا كنت ناوي تولع في الشمعات لازم تكون النوافذ مفتوحة <-- مدري من وين جتني كلمة نوافذ هههههههه
2) اذا ولعت فيها وفتحت النوافذ لا يصير اخوك نايم عندك <-- ترى ما سواها بريء :10111:
وش اسمة <--- نسى التحذيرات هههههههههههههههههه
المهم اخليكم مع التجارب
http://www.i22i.net/uploads/542517cb0e.jpg
انتبه اذا ولعت في الشمعه لا تحاول تقرب الكاميرة لم الشمعه ثم تموع ( تسيح ) العدسة
http://www.i22i.net/uploads/9912bfda8d.jpg
احيانا انسى اضبط الخيارات واصوور :) مثل ذي ;)
http://www.i22i.net/uploads/51a7ac382c.jpg
هذي وانا اضبط فيها كانت كبيرة بس يوم رفعتها صغرت مدري لية :hgf:
http://www.i22i.net/uploads/8ed838a3db.jpg
حاول تستفيد من اي شيء في البيت ،، يعني عزموك على دونات خذها وسو عليها بعض الحركات وتطلع لك صورة حلووة ،، ترى هي تجيب الخساير ،، ترى ذا الحلويات المنطله مدري وش علاقتها في الدونات بس لازم تسوي حركتات عشان تصير حركة :hgf: <-- اتحداكم تعيدونها عشر مرات
http://www.i22i.net/uploads/30acdab7e6.jpg
مثلاً : شريت لك عطر وتبي تكشخ وتعلمهم انك شارية وانك خطير تصورة هههههههههههههههههه
ادري ذا الحلاو اشغلكم بس لازم استفيد واجرب الين تطلع بنتيجة ....
http://www.i22i.net/uploads/a45a271153.jpg
يالله عاد مدحو فيني ههههههههههههههههههههههههه ههههههههههههههههههههههههه ههههه <-- امزح
في اعتقادي الشخصي ان البنات راح يبدعون في مثل ها التصوير لان عندهم حس وفن وذوق .. إلخ <-- طلع عسكريم مهب تصوير ههههههههههههههههههههه
طبعاً نقدكم وافكاركم هي المهم لي والا الباقي مايهمني :rollegyes:
اخيراً : لاحد يجي يقول مسوي فاهم علينا ،، ترى انا مثلي مثلكم ،، يعني مبتدىء واجرب :humm:
نسيت شيء : نوع الكاميرة nikon coolpix s4
سلام ،، اي سؤال انا حاظر ... :rose:
