أحلى كبسه بــ 30 دقيقه

أحلى كبسه بــ 30 دقيقه

بعد جهود مضنيه وتخبيص مابعده تخبيص توصلت محاجيتكم الى طريقة سريعه لطبخ الكبسة ( لهواة ألأرز فقط ) شوفوا خواتي :
جهزوا المقادير التاليه :
من دجاجه الى دجاجتين ( حسب العدد )
حبة بصل واحده مقطعه ناعما
2 حبة طماطم ( شرط حمرا ) مقطعه ناعما
بهارات صحيحه ( اربع حبات هيل ، عود قرفه ، اربع حبات مسمار ـ قرنفل ، لومي أسود )
بهارات مطحونه مشكله
ربع كوب زيت
مكعب ماجي
زين وين الكبسه ؟ كل اللي قلتيه نعرفه وبلا هذره
احضرو قدر كاتم ( مضغوط ) وحطوا الزيت داخل القدر وأضيفوا البصل ( لاتنسون تشبون النار ) وبعد مايتشوح البصل ـ يذبل ـ أضيفو الدجاج اللي سبق تقطيعه وازالة جلده وحركو المزيج حتى يتغير لون الدجاج ثم اضيفوا الطماطم والبهارات الصحيحه وغطوا القدر لدقيقتين فقط.
شكلنا نسينا الرز ( مو مشكله كبسه بدون رز مايصير ؟
يتم اضافة الماء المغلي الى القدر
هنا الحرافه : كمية الماء لازم ( انتبهوا ) تكون مساويه لكمية الرز يعني كل كوب يقابله كوب
بعد اضافة الماء الى القدر أضيفوا بقية البهارات ومكعب ماجي وبنفس الوقت قوموا بغسل الرز بدون نقع ( حرافه ثانيه ) وأضيفوه الى القدر ثم اغلقوا القدر جيدا وزودا النار لأعلى شي
عند بداية دوران الصافره التي في الغطاء وخروج البخار منها قللوا من قوة النار وأحسبوا على ساعتكم من 15 ــ 20 دقيقه ( بدون زياده بدت الفلسفه ) وبعدين طفوا النار واسحبوا الصافره حتى يخرج البخار من القدر وكلوا أحسن كبسه
بغيت أقولكم قبل لاتقفلون القدر تذوقوا الملح ( ياشين اللي يعرف شي )
أخيرا يطولي أعماركم أذا كانت لحم بدل الدجاج اكتموا القدر على اللحم والماء لمدة 15 دقيقه وبعدين أضيفوا الرز وسلامتكم
هذه الوصفه خاصه بالرز البسمتي
تحياتي وتمنياتي بالهناء والشفاء
الحزنّ الأكيدّ

ياااااااااااااااااااااااي
هذه تصلح للمخيم
يسلمو ويعطيك العافيه
سي يا:confused: :rolleyes: :برافو:

مشكوووووووووووره على مرورك الجميل وانشاءالله مخيم سعيد وبالهناء والشفاء