يـــبــــون الــــبــــنـــــت تـــتـــمـــــرجـــل وتــتــــمـــشــــى بـكـل حـــار

[align=center]ألا ياشينهـا بنـتٍٍ تسـوق اليـوم سيـاره



والا ياكبرها منهو .. يوافـق فـي سواقتهـا



غريبه كيف ياعالـم جرفنـا العـج وتيّـاره



أنا خابر رؤوس تثور.. وثورتهـا بعجتهـا



أنا بالعولمه أدرى مابيـن الحيـن والتـاره



يثيرون النقاش إنه من أبسط حـق إنوثتهـا



يبون البنت تتمرجل وتمسـك ليـة الطـاره



يبون البنـت تتمرجـل وتتمشـى برفيقتهـا



يبون البنت تتمرجل وتتمشـى بكـل حـاره



يبون البنـت تتفتـح وتاخـذ كـل راحتهـا



يبون البنت لا قامت ونفـس السـوء أمّـاره



تروح البنت من نيّا<< ..وألاّ وين روحتهـا



ترا من نيّا نفهمها!!ولا آبـي منكـم إعيـاره



ترا يعني حبيب الروح..بعد ماتشوف خطتها



تقول البنت لبوها..انا بروح أبـي (سـاره)



الا يالعنبـو سـاره ..ويلعـن جـد جدتهـا



ترا ساره مهي ساره..حبيب الروح في داره



شنب جالس ويترقّـب متـى بتجيـه رنّتهـا



يبون البنت تتأمـر وهـذي ماهـي بآمـاره



ترا هذي مثل عارٍ. مابيـن الغنـج وعفّتهـا



من أبسط حق أنوثتها تجيك البنـت محتـاره



ما بين البيت والملفى ومابين عيال حارتهـا



ليامن شافوا رقّتها تجيـك النفـس ببشـاره



بعد بكره دوام البنت ولا يـا ويـل جرتّهـا



بليـلٍ مظلـمٍ داكـن ولا نـوّر بـأنـواره



على خط السريع اللي يخالف خـط سكتهـا



تراها ياعرب غزوه .. غزاها الغرب بأفكاره



يعنـي لازم إنصفـق ونتشـيّـد بفكرتـهـا



أبشركم وأبشركـم أبـو فـلانٍ فتـح بـاره



وأبشركم وأبشركم بمرقـص حـق ضيقتهـا



وأبشركم ولا هيئـه ولا شرطـه ولا أمـاره



من أبسط حق أنوثتها مـدام البنـت سوتّهـا



تعالوا بس نتخيل..أبـو فـلانٍ مـع جـاره



أبو فلانٍ على المطبـخ مـع بنتـه وعمتّهـا



وجاره من ضحى ربي يقلب باقـي أقـراره



أسوي كبسـةٍ ولاّ..ياويـش اتريـد بأكلتهـا



تراني صـادقٍ شوفـوا تـرا الأيـام دوّاره



مع الأيام وإن طالت .. مع الأيـام ومدّتهـا



أنشهد لو تسوق البنت .. أنشهد كنّها غـاره



على أرض السعوديه وهـي عـزٍ بعزتهـا



الا وين الرجال اللي بحـق الشـر طمّـاره



الا وين الرجال اللي تلـف اليـوم عصبتهـا



الا وين الرجال اللي تطفـي بالحشـا نـاره



الا وين الرجال اللـي نقـود اليـوم كلمتهـا



ترا ما تشيع لك ضوٍ..الا بقدحـت إشـراره



من أبسط حق أنوثتها..ترا مبـدأ شرارتهـا



وإذا هو حق أنوثتها ..ترا هالبنـت مغـواره



أنوثتها بعفّتهـا فـي حشمتهـا فـي رقتّهـا



بلا حقٍ بلا هـمٍ ..بـلا تخريـب وسيّـاره



كلامٍ صار بالفاضي وقالـوا بحـق أنوثتهـا
[/align]